गच्छदार स्थानीय विकास मन्त्री

264 पटक पढिएको

एजेन्सी, २५ बैशाख ।
यसअघि कमल थापाले सम्हालेको स्थानीय विकास मन्त्रालयसहित तीन मन्त्रालय लिएर विजयकुमार गच्छदार सरकारमा सहभागी भएका छन् । गच्छदारले आजै सपथग्रहण गर्ने कार्यक्रम छ ।
प्रधानमन्त्री कार्यालय स्रोतका अनुसार गच्छदारले उपप्रधानमन्त्रीका साथै स्थानीय विकास मन्त्रालय सम्हाल्नेछन् ।
त्यसैगरी भूमिसुधार तथा पर्यटन मन्त्रालय पनि गच्छदारको पार्टी फोरम लोकतान्त्रिकले पाउने भएको छ ।
यसअघि यी तीनवटै मन्त्रालय कमल थापा नेतृत्वको राप्रपाले सम्हालेको थियो ।
एक हप्ताका लागि मन्त्री ?
पहिलो चरणको स्थानीय निर्वाचन आउन अब ६ दिनमात्रै बाँकी छ । त्यसपछि प्रधानमन्त्री प्रचण्डले राजीनामा दिने र अर्को सरकार गठन हुने कांग्रेस र माओवादीवीच पूर्वसहमति छ । यो सहमति कार्यान्वयन भयो भने गच्छदार अब एक हप्ताका लागि उपप्रधानमन्त्री हुनेछन् ।
तर, प्रचण्ड नेतृत्वको सरकार ढलेर देउवाको नेतृत्वमा अर्को सरकार बन्दा पनि अहिलेको सत्तारुढ गठबन्धन नटुट्ने सत्तापक्षका नेताहरुले बताएका छन् ।
राप्रपालाई सरकारमा फर्काउन प्रधानमन्त्री अनिच्छुक
प्रधानमन्त्री प्रचण्डले विजय गच्छदारलाई उपप्रधानमन्त्री र स्थानीय विकास मन्त्रालयसहित सरकारमा सहभागी गराउने निर्णय गरेका छन् । त्यो पनि कमल थापाकै ठाउँमा ।
विजयकुमार गच्छदारले पाएको उपप्रधानमन्त्री तथा स्थानीय विकास मन्त्री पद यसअघि राप्रपा अध्यक्ष कमल थापाले सम्हालेका थिए । भूभिसुधार र पर्यटन मन्त्रालय पनि राप्रपाले नै सम्हालेको थियो । प्रधानन्यायाधीशमाथि महाअभियोग लागेपछि राप्रपा हठात रुपमा सरकारबाट बाहिरिएको थियो ।
तर, महाअभियोग प्रकरण सुल्झिएपछि राप्रपाले पुनः सरकारमा फर्कने चाहना व्यक्त गरेको प्रधानमन्त्री कार्यालय स्रोत बताउँछ । कमल थापा बाहिरै रहेर राप्रपाका दीपक बोहोरा लगायतका अरु नेताहरु सरकारमा मन्त्रीका रुपमा सहभागी हुने तयारी गरेको थाहा पाउनासाथ प्रधानमन्त्रीले उनीहरुको राजीनामा स्वीकृत गरी शीतलनिवासमा जानकारी गराएको बालुवाटार स्रोतले बतायो ।
सरकारबाट बाहिरिएलगत्तै पुनः सरकारमा आउन खोज्नुमा केही रहस्य लुकेको हुनसक्छ भन्दै प्रधानमन्त्रीले कमल थापाको पार्टीलाई सरकारमा ल्याउन अरुची देखाएको स्रोतले बतायो ।
सरकारबाट बाहिरिएर केपी ओलीसँग चुनावी गठबन्धन गर्न गएको भन्दै कांग्रेस र एमालेले राप्रपासँग चित्त दुखाएको स्रोतको भनाइ छ ।
त्यसो त गृहमन्त्री विमलेन्द्र निधी र कमल थापावीच बरियताको विवाद रहेकाले पनि राप्रपालाई सरकारमा फर्काउने प्रधानमन्त्रीले अरुची देखाएको माओवादी स्रोत बताउँछ ।

तपाईको प्रतिक्रिया

महोत्तरीका १५ वटै तहको मतगणना सम्पन्न, एमालेले खाता खोल्न सकेन

  काठमाडौं ८ असोज । महोत्तरीको १५ वटै तहको मतगणना सकिएको छ । १५ वटा स्थानीय तह मध्ये राजपा.. ...

आईसिसी सदस्य दिल श्रेष्ठद्दारा अमेरिकाज क्षेत्रको डिआरसी पदमा उम्मेद्वारी घोषणा

लस एन्जलस, अमेरिका । काठमन्डौंमा आगामी अक्टोबर महिनामा हुने एनआरएन ग्लोबल सम्मेलनमा हुने.. ...

भ्रममा नपर्न एनआरएन अमेरिकाका महासचिव लामाको अनुरोध

अमेरिका (टेक्सास)-  गैर आवासीय नेपाली संघ (एनआरएनए) अमेरिकाका महासचिव बि.आर. लामाले एक विज्ञप्ति.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

काठमाडौमा प्लाष्टिकको चामल छयापछयाप्ती, सानो भर्‍याङबाट एक व्यापारी पक्राउ

काठमाडौं २८ असार । तपाइ हामीले विभिन्न सामान नक्कली तथा तरकारी फलफुलमा बिषादी मिसाइएको हुन्छ.. ...

समुद्रको छालमा परेर टेक्सासमा नेपालीको निधन

ड्यालस (अमेरिका) – अमेरिकाको दक्षिणी राज्य टेक्ससको समुद्रमा डुबेर एक नेपालीको निधन भएको छ.. ...

Today Exchange Rate