गुगलभन्दा धेरै सुरक्षित र गोपनीय छन् यी ५ सर्च इन्जिन

104 पटक पढिएको

आमरुपमा इन्टरनेट प्रयोगकर्ताले प्रयोग गर्ने गुगल लगायतका चर्चित सर्च इन्जिनहरुले प्रयोगकर्ताद्वारा सर्च गरिएका कुरा ट्र्याक गर्छन् । सोही हिसाबमा उनीहरुले प्रयोगकर्ताले हेरिरहेको वेबपेजमा विज्ञापन देखाइदिन्छन् र पैसा कमाउँछन् ।

यदि तपाईंलाई सर्च इञ्जिनले आफ्नो ब्राउजिङ हिस्ट्री स्टोर नगरोस् र आफूले सर्च गरेको सामग्री समेत स्टोर नगरोस् भन्ने चाहनुहुन्छ भने प्राइभेट सर्च इन्जिन प्रयोग गर्नु उपयुक्त हुन्छ । इन्टरनेटको दुनियाँमा विभिन्न नामका उपयोगी तथा सुरक्षित प्राइभेट सर्च इन्जिन छन्, जसले न तपाईंले सर्च गरेको कुरा स्टोर गर्छन्, न त तपाईंलाई ट्र्याक नै गर्छन् ।

इन्टरनेट प्रयोगकर्ताको सुरक्षा र गोपनीयता दुवैलाई ख्याल गर्ने यस्तै ५ वटा सर्च इन्जिन यी हुन्:
WolframAlpha : यसले प्रयोगकर्ताले सर्च गरेका कन्टेन्टलाई स्टोर गर्दैन र प्रयोगकर्तालाई ट्र्याक पनि गर्दैन । यो कम्प्युटेबल सर्च इन्जिन हो, जसले सटीक नतिजा खोज्छ । यसले मानिसहरुको स्वास्थ्य, तन्दुरुस्ती, म्युजिक तथा मुभिजका बारेमा उपयुक्त जानकारी देखाउँछ ।

Gibiru : यो पूर्णरुपमा अनसेन्सर्ड तर एनक्रिप्टेड सर्च इन्जिन हो, जसबाट कुनै पनि थर्ड पार्टी डाटा लिक हुने सम्भावना हुँदैन । यो अन्य कैयौं प्राइभेट सर्च इन्जिनभन्दा छिटो चल्छ, किनकि यसले गुगल कस्टम सर्चको प्रयोग गर्छ । तर, यसले गुगलबाट प्रयोग गरिने सबै ट्रयाकिङ शैलीलाई हटाइदिन्छ ।

Startpage : यसले प्रोक्सी सर्भरका माध्यमबाट ब्राउजिङ अप्सन दिन्छ, जसबाट वेबसाइटहरुले तपाईंको आईपी एड्रेस तथा लोकेसन ट्रयाक गर्न सक्दैनन् । यसलाई आफ्नो ब्राउजरमा एड गर्न सकिन्छ र कलर थिम्स पनि छनोट गर्न सकिन्छ ।

Privatelee : प्राइभेटलीको पावरसर्च कमान्ड्सबाट तपाईं आफ्नो सर्च स्रोत तथा अन्य कुरा चयन गर्न सक्नुहुन्छ । यो सर्च इन्जिनको अर्को नाम Qrobe.it पनि हो ।

Yippy : यो सर्च इन्जिनको माध्यमबाट तपाईं आफूले खोजेको नतिजालाई म्यानुअल्ली फिल्टर गर्न सक्नुहुन्छ । कुनै खराब नतिजालाई फ्लाग गर्न सक्नुहुन्छ । यसमा वेब, तस्बिर, समाचार, ब्लग तथा सरकारी डाटाहरु समेत सर्च गर्न सकिन्छ । यसमा तपाईं गुगलमा जस्तै Cashed Page पनि देख्न सक्नुहुन्छ ।

साभार : अनलाईनखबर

तपाईको प्रतिक्रिया

बिक्रम घिमिरे : एनआरएन अमेरिका निर्वाचनमा बोर्ड अफ डाईरेक्टर पदका उम्मेद्वार

आसन्न एनआरएन अमेरिकाको निर्वाचनमा गोर्खा जिल्ला घर भई हाल केन्टकी राज्यमा बसोवास गर्दै आएका.. ...

चर्चित पत्रकार नारायण श्रेष्ठ अमेरिकाको विश्वबिद्धालयद्दारा सम्मानित

बाल्टिमोर, अमेरिका । विगत केही वर्षदेखि अमेरिकामा बसोवास र अध्ययन गर्दै आएका पत्रकार नारायण.. ...

नेपाली राजदुतावासको घुम्ती सेवा क्यालिफोर्नियाका लस एन्जलस र सान्-फ्रान्सिस्कोमा

लस एन्जलस, क्यालिफोर्निया, २६ मे । नेपाली राजदुतावास, वासिङ्टन डिसी, अमेरिकाले.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

कास्कीमा कसले मार्ला  बाजी ?

प्रकाश ढकाल पोखरा, २२ बैशाख । सरकारले दुई चरणमा स्थानीय तहको चुनाव गर्ने गरी मिति घोषणा गरेको.. ...

कस्को पोखरा, कस्तो पोखरा–विश्व सिग्देल

प्रश्तुती–प्रकाश ढकाल विश्व सिग्देल, समाजशास्त्री । समाजशास्त्र र राजनीति विज्ञानका.. ...