डालस – पुर्व प्रधानमन्त्री तथा नयाँ शक्ती नेपालका संयोजक डा. बाबुराम भट्टराईलाई अमेरिकामा कालो झन्डा देखाईएको छ ।
अमेरिका भ्रमणमा रहेका व्यवस्थापिका संसदमा नेपाली कांग्रेसको तर्फबाट गोरखा जिल्लाबाट निर्वाचित भट्टराई अहिले अमेरिका भ्रमणमा छन् ।
‘जनयुद्धको नाममा आफ्नै मुलुकका १७ हज़ार दाजुभाई-दिदी बहिनीको अनाहकमा ज्यान लिएको’ आरोपमा डा. भट्टराईलाई आज डालासमा कालो झन्डा देखाईएको तरुण दल अमेरिकाका अध्यक्ष तथा जनसम्पर्क समितिका निवर्तमान सदस्य ओम भट्टराईले जनाए ।
पुर्व मन्त्री तथा भट्टराई पत्नी हिसिला यमी र स्वकीय सचिवका साथ अमेरिका भ्रमणमा रहेका डा. भट्टराई अमेरिकाको राजधानी डी सी झरेर स्थानिय समुदायले आयोजना गरेको अन्तरकृयामा भाग लिएर हिजो डालास पुगेका थिए ।
’एनआरएन अमेरिकाले भ्रमणको चांजोपांजो मिलाएको’ भनिएको भट्टराईको अमेरिका यात्राले एनआरएन अमेरिकाका पदाधिकारी विच नै तल्लो स्तरको गालीको प्रकृयाले एनआरएन अमेरिका विवादमा तानिएको छ ।
पुर्व प्रधानमन्त्री भट्टराई लस एन्जलस लगायत अन्य शहरमा आयोजना हुने कार्यक्रमहरुमा पनि सहभागी हुने जनाईएको छ ।
फोटो : प्रतीक सुवेदी/ओम भट्टराई