1

रेडक्रसद्दारा सिन्धुलीका विद्यालयमा बने बाल, लैङ्गिक तथा अपाङ्गमैत्री शौचालय

164 पटक पढिएको

सिन्धुली – नेपाल रेडक्रस सोसाइटीले सिन्धुलीको सुनकोशी गाउँपालिका वार्ड नम्बर ६ का विभिन्न विद्यालयमा बाल, लैङ्गिक तथा अपाङ्गमैत्री शौचालय निर्माण गरी विद्यालयलाई हस्तान्तरण गरेको छ । सुनकोशी गाउँपालिकका अध्यक्ष दिपा बोहराको प्रमुख आतिथ्यतामा आज एकै दिन चार वटा यस्ता शौचालयहरूको उद्घाटन र हस्तान्तरण गरिएको हो ।

हिजोका दिनमा लैङ्गिकमैत्री शौचालय नभएकै कारण शिकोरावस्थामा पुगेका छात्राहरूको विद्यालय छोड्ने क्रम अब रोकिने विश्वास गरिएको छ । रजश्वलाको समयमा प्याड फेर्ने र सरसफाइ गर्ने स्थान नहुँदा महिनामा चार÷पाँचदिन विद्यालय आउन नपाउने अवस्थाको अन्त्य गरिदिएर निरन्तर शिक्षा लिन पाउने अवस्थाको श्रृजना गरिदिएकोमा विद्यालय परिवार र त्यहाँ अध्ययनरत छात्राहरूले नेपाल रेडक्रसलाई धन्यवाद दिएका छन् ।

गाउँपालिकाका अध्यक्ष बोहराले नेपाल सरकारले गर्नुपर्ने कार्य गरेर सरकारका गतिविधिहरूमा सहयोग पुर्याएकोमा स्थानीय सरकार नेपाल रेडक्रसबाट खुशी भएको र विकासका हरेक गतिविधिहरूमा नेपाल रेडक्रससँग स्थानीय सरकारको सहयोग र सहकार्य रहने प्रतिवद्धता जनाउनु भएको छ ।

विकासका हरेक क्षेत्रमा सबैको पहूँच र सहभागिता सुनिश्चित हुनुपर्दछ भन्ने राज्यको नीति भएपनि सबै क्षेत्रमा राज्य एक्लैले सुविधा उपलव्ध गराउन सक्दैन । त्यसैले लाभग्राहीको मर्यादालाई ख्याल गर्दै उनीहरूको सहभागिता सुनिश्चित गर्न यस्ता संरचनाहरूको निर्माण पनि एउटा खुट्किलो हुनसक्ने कुरालाई मध्यनजर गरेर नेपाल रेडक्रस सोसाइटीले सार्वजनिक स्थानहरूमा यस्ता संरचनाहरूको निर्माण गरेको हो । रेडक्रसले भूकम्प प्रतिकार्यका कार्यक्रमहरू सञ्चालन गरिरहेको भूकम्प अति प्रभावित १४ वटै जिल्लाहरूमा आवास, खानेपानी, सरसफाइ, स्वास्थ्य, जीविकोपार्जनका साथमा सङ्गठन विकास र संरक्षण, लैङ्गिकता तथा समावेशीकरण कार्यक्रम सञ्चालन गरिरहेको छ । सबै क्षेत्रमा संरक्षण, लैङ्गिकता तथा समावेशीकरणको सुनिश्चितताका लागि रेडक्रसले यस्ता गतिविधिहरू गर्दै आएको हो ।

घरघरमा पानी, सुध्रियो सबैको बानी :
यस्तै आजकै दिन सबैले असम्भव ठानेका दुई स्थानमा निर्माण गरिएका दुई वटा खानेपानी आयोजनाहरूको गाउँपालिका अध्यक्षबाट उद्घाटन गरी समुदायलाई हस्तान्तरण गरियो ।  जसले गर्दा दिनभर पानीकै लागि धाउनु पर्ने वाध्यता हटेको र घरआँगनमा पानीको धारा आएपछि सरसफाइमात्र नभई स्वास्थ्यमा समेत प्रत्यक्ष फाइदा पुगेको स्थानीयले बताएका छन् ।

आँगनमै पानीको धारा आएपछि महिलाहरूका सुखका दिन त शुरु भए नै, बालबालिकाहरूले समेत सरसफाइमा ध्यान दिन थालेको र सबैको बानीमा सुधार आएको स्थानीयले बताए । साथै घरमा प्रयोग गरेको पानीको निकास दिएर करेसाबारीमा समेत आफैँ सागसब्जी र विभिन्न जातका तरकारीहरू उत्पादन हुन थालेपछि गाउँलेहरू पुलकित बनेका हुन् ।

तपाईको प्रतिक्रिया

काठमाडौं - गैरआवासीय नेपाली संघ (एनआरएनए) अन्तराष्ट्रिय परिषद सदस्य राजन त्रिपाठी अमेरिकाज.. ...

अमेरिका -  ४३ सालअघि नेपालमा चितवन जिल्लाको रत्ननगरमा मध्ययम परिवारमा हाल टेक्सास निवासी.. ...

काठमान्डौं - एनआरएनए विश्व सम्मेलनमा भाग लिन संसारभरबाट गैरआवसीय नेपालीहरु काठमान्डौं.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...