1

ह्यारी भन्डारीहरु मात्रै होईन, आईशा ओझाहरु पनि छिर्दैछन मैनस्ट्रिममा

197 पटक पढिएको

टेक्सास – अमेरिकामा रहेका नेपालीहरुरुले यहाको स्थानीय सामाजिक राजनीतिक पहुच विस्तार गर्दै लगेका छन् । पछिल्लो समय मेरिल्याण्ड राज्यमा ह्यारी भण्डारी स्टेट डेलिगेट्समा डेमोक्रेटिक पार्टीको तर्फबाट निर्वाचित भएसंगै अर्की नेपाली चेलीले स्कुल डिस्ट्रिकमा नियगमन गर्ने परिषद्मा मनोनयन गर्ने भएकी छिन । अमेरिकाकै तेस्रो ठुलो महानगर डि एफ डब्लु महानगरीय छेत्र अन्तर्गत HEB Independent School District मा नेपाली चेली आइशा ओझाले उम्मेदवारी दिने भएकी छिन! युलेसमा रहेको फिस्टेल रेस्टुरेन्टमा आज फेब्रुअरी २३ मा सम्पन्न भएको औपचिरिक कार्यक्रम मार्फत उक्त कुराको घोषणा गरिएको छ ।

२५०० भन्दा बढी कर्मचारी र करिब १४०० शिक्षक रहेको सो बिद्यालय छेत्रमा करिब २३००० बिद्यार्थी रहेका छन् भने कुल मतदाता करिब ९०हजार रहेका छन् ।७ वटा पद रहेको उक्त बोर्ड ओफ ट्रष्टीको सातौ पदको लागि हुन गैरहेको निर्वाचनको लागि आइशा यहाको डेमोक्रेटिक पार्टीको समर्थनमा उम्मेदवार बन्न लागेकी हुन् !आज सम्पन्न उम्मेदवारी घोषणा कार्यक्रममा डेमोक्रेटिक पार्टीका डी अफ डब्लु छेत्रका प्रेसिडेन्ट काजी चौधरी , कमिटि म्यान अफ सिनेट डिस्ट्रिक १० इमाद शालिम, कोओर्डीनेटर अफ प्रिसिंट चेअर हिदर बुएन, ट्यारेन्ट काउन्टी डेमोक्रेटिक मुस्लिम निर्देशक शाहीद हशन, समाजसेवी प्रभात दीक्षित तथा उम्मेदवार आइशा ओझाले बोल्नु भएको थियो । मन्तव्यका क्रममा आइशाले नेपालीको बाक्लो बस्ति रहेका यस छेत्रमा नेपाली भाषा र सस्कृतिको जगेर्ना गर्नको लागि यहाका बिधालयमा बाल-बच्चाको लागि नेपाली भाषाको अध्यन अध्यापन गराउनको लागि पहल गर्ने साथै यहा रहेका पब्लिक स्कुल र चार्टर स्कुलबिचको विभेदलाई कम गर्ने प्रतिबद्धता व्यक्त गरिन ।

सबै अमेरिकन नेपालीको जस्तै कथा र ब्यथाको बाटो बनाएर करिब दशक अगाडी बुवा-आमा , भाई र ८ वटा लगेजसंगै अमेरिका छिरेकी आइशाले कलिलै उमेरमा एउटा सफल नेपाली चेली हो भनेर आफुलाई नेपाली समुदायबीच प्रस्तुत गरिसकेकी छिन ! University Of Texas Arlington बाट सोसलवर्कमा मास्टर गरेकी उनि हाल नेपाली समाज टेक्सासको वुमेन्स कोओर्डीनेटर रहेकी छिन । मण्डला थिएटर संचालन गरेर नेपाली बाल-बच्चा तथा बयस्कहरुलाई नृत्य तालिम लगयत अन्य थुप्रै सामाजिक कार्यमा संलग्न छिन! २०१८ अगस्त १९ मा सम्पन्न भएको मिस नेपाल अमेरिकाको मिस पब्लिक च्वाइस र मिस सोसिअल एस्सिलेंसी टाइटल हात पारेकी आइशा ओझा नेपाली अमेरिकन बीच त चिर-परिचित छदै छिन उनको उम्मेदवारीले अब यहाँ रहेका अन्य सम्पूर्ण समुदाय सम्म फराकिलो बन्ने छ! स्मरण रहोस सुश्री आइशा ओझा अमेरिकी नेपालीमा परिचित नाम कमल ओझाकी सुपुत्री हुन् । 

तपाईको प्रतिक्रिया

अमेरिका - नेपाल अमेरिका पत्रकार संघ (नेजा) द्दाराभर्खरै सम्पन्न एनआरएनए अमेरिकाको.. ...

राज्यले वास्ता नगरेको मधेस । मूलधारमा नसमेटिएको मधेस । न शिक्षा न स्वास्थ्य । न त बाटोघाटो र.. ...

अमेरिका - एनआरएन अमेरिकाका अध्यक्ष डा. केशब पौडेलले नव-निर्वाचित कार्यसमितिलाई बधाई दिएका छन.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...