1

गीतकार खनाललाई सर्वोत्कृष्ट अवार्ड

72 पटक पढिएको

काठमाडौँ, असार ९ गते । हाम्रा नेपाल सम्वाददाता गीतकार पुष्पा खनाल राष्ट्रिय भावको गीततर्फ सर्वोत्कृष्ट अवार्ड पाउन सफल हुनुभएको छ । हिजो राजधानीमा आयोजित योङ माइण्ड इन्टरटेन्मेण्ट अवार्ड कार्यक्रमको दोस्रो संस्करणमा सो अवार्ड प्रदान गरिएको हो । उहाँलगायत अन्य ४९ जना व्यक्तिहरूलाई पनि आधुनिक, पप, लोक, दोहोरीलगायतका विभिन्न विधामा सर्वोत्कृष्ट अवार्ड प्रदान गरिएको थियो । गीत सङ्गीतको क्षेत्रमा राष्ट्रिय भावको गीतको छुट्टै महत्व रहेको हुन्छ । त्यसकारण पुष्पा खनालले प्राप्त गरेको अवार्डले विशेष महत्व राख्दछ ।


योङ माइण्ड इन्टरटेन्मेण्ट प्रा. लि. ले दुई महिनाअघि अवार्डका लागि गीत सङ्गीत उपलव्ध गराउन सार्वजनिक रूपमा आह्वान गरेको थियो । प्राप्त गीत सङ्गीतलाई विभिन्न क्षेत्रबाट मूल्याङ्कन गरी गत महिना उत्कृष्ट पाँचलाई मनोनयन गरेको थियो । ७० प्रतिशत एसएमएस भोटिङ र ३० प्रतिशत निर्णायकहरूको नम्बरका आधारमा सर्वोत्कृष्ट विधा चयन गरिएको आयोजक योङ माइण्ड इन्टरटेन्मेण्ट प्रा. लि. ले जनाएको छ ।


रेडियो अडियोका निर्देशक अमितचन्द्र अधिकारी, वरिष्ट फोटो पत्रकार विदुर पाण्डे र वरिष्ठ गीतकार तथा पत्रकार लोकराज अधिकारीसहितको निर्णायक मण्डलले मनोनयनमा परेका विधाहरूको मूल्याङ्कन गरी सर्वोत्कृष्ट चयन गरेको थियो । त्यसरी चयन गरिएका सबै नतिजाहरू निर्णायकका तर्फबाट लोकराज अधिकारीले योङ माइण्ड इन्टरटेन्मेण्ट प्रा. लि. का अध्यक्ष मुनाल शिशिरलाई कार्यक्रमस्थलमा नै हस्तान्तरण गर्नुभएको थियो । त्यसपछि कार्यक्रममा अवार्ड वितरण गरिएको थियो ।


‘स्रष्टाले खोजेर होइन, स्रष्टालाई खोजेर गरिने सम्मान’ भन्ने नाराका साथ योङ माइण्ड इन्टरटेन्मेण्ट प्रा. लि. ले यो अवार्ड कार्यक्रमको आयोजना र वितरण गरेको हो ।

तपाईको प्रतिक्रिया

 - अर्जुनराज पन्त फुकालेर हरका लुगा धानका बिउले छोपी कोहिले ला छन् शिरै माथि बनाएर टोपी.. ...

काठमान्डौं - 'लालु मै’ गीतबाट चर्चामा आएका गायक तथा मोडल संदिप न्यौपाने तथा मोडल बिजय गुरुङ र.. ...

भर्जिनिया - झण्डै २ मिलियन डलर बराबरको ऐतिहासिक रकम संकलन गरिएको डीसी मेट्रो सप्ताह अभियान.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...