1

अमेरिकामा राजन विश्वकर्मा सम्मानित

15 पटक पढिएको

सागर श्रेष्ठ/सान फ्रान्सिस्को –  अमेरिकाको सान फ्रान्सिस्को बे एरियामा कार्यरत ९ वटा नेपाली संघ संस्थाहरुले एक समारोहका वीच सामाजिक अभियन्ता मदर राजन विश्वकर्मा लाई सम्मानित गरेका छन। आफ्नो केही दोष नभए पनि द्वन्दको चपेटामा परि आमा बाबुको सुरक्षा र माया बाट वन्चित वालवालिकाहरु लाई धेरै बर्ष देखी पालन पोषण र शिक्षा दिक्षा दिँदै आउनु भएको मदर राजन बिश्वकर्माले सामाजिक न्यायको क्षेत्रमा ठुलो योगदान गरेको ठहर गर्दै उहाँलाई नगद सहीत च्याम्पियन अफ सोसियल जस्टिस अवार्ड द्वारा सम्मानित गरेको हो। सो कार्यक्रमको सभापतित्व आयोजक संस्थाहरु मध्य एक नेपाली जनसंपर्क समिती अमेरिका उत्तर क्यालिफोर्निया च्याप्टर कि कार्यवाहक सभापति लक्ष्मी केसी कार्किले गर्नु भएको थियो। कार्यक्रम सँयोजक प्रेम परीयारले सन्चालन गर्नु भएको सो कार्यक्रममा समाज सेवी महिला नेत्री हेमा पनेरुले स्वागत मन्तव्य राख्नु भएको थियो। 

आयोजक संस्थाहरुको तर्फबाट समाजसेवी राजन विश्वकर्मालाई सम्मान गरिनका कारणहरु प्रकाश पार्दै नेपाल विश्व सहयोग संघ एन ए जि सि का संस्थापक अध्यक्ष मणी नेपाली पनेरुले उहाँले गरेका आदर्श कामहरुमा संस्थाहरुको सक्दो सहयोग रहने कुरा बताउनु भएको छ। सो कार्यक्रममा द्वन्द पीडित र अनाथ वाल वालिकाहरुलाई मदर राजनले कसरी सहयोग पुर्याईरहनु भएको छ भन्ने वारेमा तथा उहाँको जीवन संघर्ष र योगदान वारे बनाईएको डकुमेन्टरी प्रदर्शन गर्दा उपस्थित सहभागीहरु भाव विभोर भएका थिए। कार्यक्रममा नेपाली जनसंपर्क समिती अमेरिकाका केन्द्रिय वरिष्ठ उपाध्यक्ष धनन्जय नरसिंह केसी, शिक्षाविद डा आमोद पोखरेल, समाजसेवी वीध्या सागर योन्जन, नान्स का पूर्व अध्यक्ष डिकेन्द्र मास्के , लायन्स क्लब अफ बर्क्ली लाली गुराँस् का चार्टर प्रेसिडेन्ट निर्मल फुँयाल, नान्स का पूर्व अध्यक्ष यान राई, आयोजक संस्था हिमालयन फाउन्डेसनका अध्यक्ष तथा नेपाली कम्युनिटी सेन्टरका अध्यक्ष यज्ञलाल श्रेष्ठ,बेल्कोटगढी काठमाण्डू सम्पर्क समिति को सभापति श्याम ढुंगाना, सोनिया दाहाल केसीले आ-आफ्नो मन्तव्य राखी सम्मानित व्यक्तित्व प्रती वधाई तथा शुभ कामना व्यक्त गरेका थिए। 

कार्यक्रमका आयोजक संस्थाहरु नेपाली जन संपर्क समिती अमेरिका, उत्तर क्यालिफोर्निया, गिरिजा प्रसाद कोइराला फाउन्डेसन, एन आर एन सि सि यु एस् ए क्यालिफोर्निया च्याप्टर, द व्हाइट जोन इन्टरन्यास्नल क्यालिफोर्निया च्याप्टर, वेष्ट अमेरिका नेपाली महा संघ, नेपाल असोसियसन फर ग्लोबल को अपरेशन, हिमालयन फ़ाउण्डेशन, कोर्प, नीलकृष्ण जसोदा फ़ाउण्डेशन तथा गोर्खा अमेरिका सम्पर्क समितीका अध्यक्ष प्रतिनिधि,NANC का अध्यक्ष तथा आयोजक संस्था नील कृष्ण जसोदा फ़ाउण्डेशन­का अध्यक्ष इश्वर सिटौला, समाजसेवी बन्दना दाहाल, प्रविन सिंह, समाजसेवी रबिश वाईबाको लगायत महत्वपूर्ण व्यक्तित्वहरुको उल्लेख्य उपस्थिती थियो। सो कार्यक्रमका आयोजक संस्था र जनजाती महासंघको कार्यक्रमका साथै रोशन सुवेदी को तर्फबाट गरी कूल २२०० डलर मदर राजनको सत्प्रयासको कदर स्वरुप प्रदान गरिएको छ।उक्त च्याम्पियन अफ सोसियल जस्टिस अवार्ड नेपाली कांग्रेसको नेता बिध्यासागर योञ्जन र समाजसेवी तथा एनएएनसी को पूर्व सभापति डिकेन्द्र मास्के द्वारा राजन बिश्वोकर्मलाई प्रदान गरिएको थियो। सम्मानित राजन विश्वकर्माले हर्षका आँशु साथ आयोजक संस्थाहरु तथा दाताहरु प्रती आभार प्रकट गर्नु भएको छ। 

तपाईको प्रतिक्रिया

डालस - चाडपर्व र तिथि उल्लेख भएका नेपालको पात्रो अमेरिकाको लागि उपयुक्त र सही नभएको धारणा.. ...

- बिपिन निरौला/लण्डन  करिब १४ हजार सदस्य मतदाता संख्या बनाएर विश्वकै ठुलो राष्ट्रिय समिति.. ...

विजय थापा/ न्यूयोर्क - गत अगस्त १७ शनिबारका दिन बिश्व कै सम्राट राज्य न्युयोर्कमा पहिलो पटक.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...