1

भारतीय विस्तारवादको बिरोधमा एनआरएनए अमेरिकाज क्षेत्रीय संयोजक त्रिपाठीको बिज्ञप्ती

63 पटक पढिएको

अमेरिका – भारतको मिचाहा रणनिती र हेपाहा मानसिकताले सार्वभौम राष्ट्र हाम्रो जन्मभुमीको मेचीएको सिमानाको बारेमा एनआरएनए अमेरिकाज क्षेत्रीय संयोजक राजन त्रिपाठीले कडा शब्दमा भर्त्सना गरेका छन ।

प्रवासी नेपाली समाजको प्रतिनिधी शक्तिशाली एनआरएनए अमेरिकाजका क्षेत्रीय संयोजक त्रिपाठीद्दारा प्रेषित वक्तब्य :

“यो जन्मदै जगतमा कैयौं प्रहार आए, हारे साम्राज्य दुई हारेन शान हाम्रो

भारतले हालसालै एकतर्फी रुपमा जारी गरेको नक्सामा नेपालको महत्वपुर्ण भुभाग कालापानी, लिपुलेक र लिम्पियाधुरालाई समेत समिटेएको बिषय प्रति गैर आवासीय नेपाली संघ, अन्तराष्ट्रिय समन्वय परिषद अमेरिकाज् क्षेत्रको गम्भीर ध्यानाकर्षण भएको छ। नेपालको राष्ट्रियता, राष्ट्रिय स्वाधिनता, अखण्डता र स्वतन्त्रता बिषयमा छिमेकबाट भएको यो गलत हर्कत र कदम नेपालीका निम्ति किमार्थ स्विकार्य छैन।

छिमेकी देशमा देखिने यस्ता सीमा सम्बन्धी समस्याको समाधान दुई पक्षका बिच छलफल र सहमतिमा कुटनितिक तबरले बैज्ञानिक ढंगबाट निराकरण गर्नुको सट्टा ऐतिहासिक दस्तावेज र प्रमाणलाई एकातिर पन्छाई अगाडी बढ्न खोज्नु भारत सरकारको बल मिच्याई र गलत प्रवुत्ति हो। नेपाल आमाको छात्तिमा जबरजस्त कुल्चिने चेष्टाका बिरुद्ध संसारभर छरिएर बसोबास गरेका नेपालीहरुले एकढिक्का भई लड्नेछन्।

नेपालको सार्वभौमिकता र भौगोलिक अखण्डता जस्तो अति संवेदनसिल बिषयमा हामी गैर आवासीय नेपालीहरु संधै नेपाल र नेपाली जनताको साथमा रहेका छौ र रहेने छौ। संगै २१ औं शताब्दीमा आएर पनि नेपालको अस्मिता माथि भारतबाट गरिएको ठाडो प्रहार र हस्तक्षेपकारी भुमिकाका बिरुद्ध अन्तराष्ट्रिय जनमत सृजना गर्न हामी तयार छौ।

अन्तमा, भारत सरकारले आफ्नो त्रुटी र महाभुललाई तत्काल सच्याई दुई देशको छिमेकीका बिच सुमधुर सम्बन्ध कायम राख्न तल्काल कदम चालोस्।

जय मातृभुमी !
जय नेपाल !!
जय एनआरएनए !!!

राजन त्रिपाठी
क्षेत्रीय संयोजक
गैर आवासीय नेपाली संघ, अमेरिकाज क्षेत्र

तपाईको प्रतिक्रिया

बाल्टिमोर - गैर  आवासीय नेपाली संघको बृहत भेला मेरिल्याण्डमा भब्य रुपमा सम्पन्न भएको छ । “गैर.. ...

बाल्टिमोर - सुगम संगितका सर्वाधिक लोकप्रिय गायक रामकृष्ण ढकालको आवाजमा ‘तिम्रो मन.. ...

बाल्टिमोर - मेरिल्यान्ड नेपाली समुदायका अग्रज व्यक्तित्व तथा बानाका संस्थापक सदस्य गणेश.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...