शान्तिराम ढकाल
लस एन्जलस, अमेरिका ।
अग्लो भए नि
पुड्को भए नि
धर्तीमा अग्लो देशको म मान्छे !
कालो भए नि
गोरो भए नि
हिमाल टल्कने देशको म मान्छे !
मोटो भए नि
दुब्लो भए नि
संजीवनी फुल्ने देशको म मान्छे !
भोको भए नि
नाङ्गो भए नि
स्वभिमान नबेच्ने देशको म मान्छे !
हिन्दू भए नि
क्रिश्चियन भए नि
म बुद्धिष्ट भए नि
मुश्लिम भए नि
बुद्ध जन्मेको देशको म मान्छे !
रंग हरु मेरा
हजार होलान
संसारको सुन्दर देशको म मान्छे !
टोपी लाए नि
धोती लाए नि
म शान्त देश नेपालको मान्छे !
अग्लो भए नि
पुड्को भए नि
धर्तीमा अग्लो देशको म मान्छे ।
कालो भए नि
गोरो भए नि
हिमाल टल्कने नेपालको मान्छे ।
खुल्लामन्च
