1

निर्वाचित भएको १५ औ दिनमा एनएमए पदाधिकारीकोे शपथ

524 पटक पढिएको

काठमाडौँ, ४ भदौ । नेपाल पर्वतारोहण सङ्घ एनएमएका नवनिर्वाचित पदाधिकारीहरुले निर्वाचित भएको १५ दिनपछि आज शपथ ग्रहण गरेका छन् ।

नागपोखरीस्थित एनएमएको कार्यालयमा प्रमुख निर्वाचन आयुक्त केशव थापाले नवनिर्वाचित पदाधिकारीलाई शपथ गराएका हुन ।

नवनिर्वाचित अध्यक्ष सन्तवीर लामाले एनएमएको गरिमालाई थप उचो बनाउन निर्वाचनका बेला गरिएका प्रतिबद्धता शत्प्रतिशत कार्यान्वयन गर्ने बताए ।

निर्वाचन सम्पन्न भएको केही दिनमै अध्यक्षमा पराजित जिम्बाजाम्बु शेर्पा समूहले निर्वाचन धाँधली भएको भनी जिल्ला प्रशासन कार्यालय, काठमाडौँमा उजुरी दिएपछि विवादले निर्वाचित पदाधिकारीहरुको शपथ कार्यक्रम रोकिएको थियो ।

उजुरीउपर प्रशासनले चार सदस्यीय छानबिन समिति गठन गरी एक हप्ताभित्र प्रतिवेदन बुझाउन भनेको थियो । समितिले भदौ २ गते प्रतिवेदन जिल्ला प्रशासन कार्यालयलाई बुझाएको थियो ।

प्रतिवेदनमा सङ्घको निर्वाचन निष्पक्ष रुपमा सम्पन्न भएको र बदर हुन नसक्ने भन्दै फैसला गरेपछि आज शपथ भएको हो । गत साउन २१ गते भएको एनएमएको निर्वाचनले अध्यक्ष पदाधिकारीसहित १५ जनाको कार्यसमिति निर्वाचित गरेको थियो । जसमा अध्यक्ष लामा, उपाध्यक्षमा दिवसविक्रम शाह, द्वितीय उपाध्यक्षमा माया शेर्पा, महासचिवमा कुलबहादुर गुरुङ, सचिवमा टीकाराम गुरुङ र कोषाध्यक्षमा सुदर्शन न्यौपाने विजयी भएको थियो ।

त्यसैगरी, सदस्यमा प्रा डा हरिप्रसाद श्रेष्ठ, विनय शाक्य, पासाङटेण्डी शेर्पा, सञ्जीव गुरुङ, सिंगी लामा, मिङ्मार शेर्पा, तुलसी गुरुङ, दा गेल्जे शेर्पा र आङछेवाङ शेर्पा विजयी भएको थियो ।

तपाईको प्रतिक्रिया

टेक्सास - अमेरिकामा रहेका नेपालीहरुको सफलता र भोगाईहरुलाई समेटेर तयार पारिने टेलिभिजन.. ...

निदेश अधिकारी/भर्जिनिया - सप्ताह मार्फत झण्डै २ मिलियन डलर संकलन गरि सामुदायिक भवन.. ...

Kathmandu - Government of Nepal,  Minister for Tourism Yogesh Bhattarai has pledged full support to the first 'International Himalayan Expo- 2020' to be held in Nepal from April 7 to April 3.  The Himalayan Expo - 2010 will help in BrikutiMandap.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...