1

फुटबलबाट प्रतिवन्धित गणेश थापाको अझै पनि दादागिरी जिल्लामा फोन गर्दै विरोधी सिध्याउने खेल

94 पटक पढिएको

काठमाडौं । अखिल नेपाल फुटबल संघ एन्फाको आगामी चैत १४ गते केन्द्रीय कार्यसमितिको निर्वाचन हुँदैछ । त्यसका लागि अहिले धमाधम जिल्ला फुटबल संघमा निर्वाचन भइरहेको छ ।

तर फुटबलको सर्वोच्च निकाय फिफाबाट १० वर्षका लागि भ्रष्टाचारको अभियोगमा निलम्बित भएका पूर्व अध्यक्ष गणेश थापाको चुरीफुरी उत्तिकै रहेको छ ।

उनले आफ्ना विरोधीहरुलाई अहिले पनि निर्वाचित हुन नदिने षडयन्त्र गरिरहेका छन् ।

हाम्राकुरालाई प्राप्त अडियो प्रमाणअनुसार उनले जिल्लामा रहेका फुटबलकर्मीहरुलाई विरोधी हटाउ अभियानमा सघाउन आग्रह गरिरहेका छन् ।

थापाले रुपन्देही जिल्ला फुटबल संघको निर्वाचनमा पनि अध्यक्षमा दीर्घबहादुर केसी (कुमार) लाई नसघाउन आग्रह गरेका थिए ।

जिल्ला संघका पदाधिकारी र क्लवका प्रतिनिधिहरुलाई फोन गरेरै उनले कुमारलाई हराए जस्तोसुकै सहयोग गर्न तयार रहेको बताएका थिए ।

तर उनको जतिसुकै लबिङले पनि काम गर्न सकेन । सोमबार भएको निर्वाचनमा कुमार नै फेरि अध्यक्ष भएका छन् ।

कुमारले २० मध्ये खसेको १९ मा १४ मत ल्याए भने प्रतिस्पर्धी ऋषिराम ज्ञवालीले ५ मत पाए ।

गणेश थापाको भ्रष्टाचारको मुद्धा अख्तियारमा परे पनि तत्कालीन अख्तियार प्रमुख लोकमान सिंह कार्कीले मुल्तवीमा राखेका थिए ।

निवर्तमान सांसद (राप्रपा) समेत रहेका थापालाई संसदीय समितिबाट कार्वाही गर्न खोजिए पनि समिति समेत असफल भएको थियो ।

एन्फामा २० वर्ष नेतृत्व सम्हालेर बस्दा थापाले ५८ करोड रुपैयाँ खर्चमा अनियमितता गरेको लगायतका आरोपसहित फिफाले २०१५ को नोभेम्बरमा १० वर्ष फुटबलका कुनै पनि गतिविधिमा संलग्न नहुने गरी प्रतिवन्ध लगाएको थियो ।

तर थापा फिफाले कार्वाही गरे पनि घरमा कार्वाही गर्न नसकेको भन्दै अपराधी नभएको स्पष्ट पार्दै हिंडिरहेका छन् ।

अहिले उनका साला मणि कुँवर एन्फाको वरिष्ठ उपाध्यक्ष छन् भने उनकै लबिङमा नरेन्द्र थापा अध्यक्ष भएर एन्फा धानिरहेका छन्, हाम्रोकुराले लेखेको छ ।

तपाईको प्रतिक्रिया

नेपालको टीपीएस नथप्ने ट्रम्प प्रशासनको तयारी

अमेरिका - अमेरिकी सरकारको डिपार्टमेन्ट अफ होमल्याण्ड सेक्युरिटीले नेपालमा गएको.. ...

एनआरएन अमेरिका, हेल्प डेस्क कोष स्थापनाको लागि आग्रह

सान-फ्रान्सिस्को - सान फ्रान्सिस्कोमा हालै सम्पन्न सम्पन्न हेल्प यन्ड सेल्फ हेल्प बिषयक.. ...

स्वर्गीय ठकुरी काँग्रेसका सच्चा सिपाही – सभापति देउवा

काठमाडौँ - नेपाली काँग्रेसका सभापति शेरबहादुर देउवाले काँग्रेस नेता स्वर्गिय चक्रबहादुर.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

चलचित्रमा सफलता : सुन्दरी केकीको ‘ऐश्वर्य’

काठमान्डौं । छठ पर्वको दिनबाट नेपाली हलमा प्रदर्शन आरम्भ गरेको वर्षको प्रतिक्षीत फिल्म.. ...

काठमाडौमा प्लाष्टिकको चामल छयापछयाप्ती, सानो भर्‍याङबाट एक व्यापारी पक्राउ

काठमाडौं २८ असार । तपाइ हामीले विभिन्न सामान नक्कली तथा तरकारी फलफुलमा बिषादी मिसाइएको हुन्छ.. ...