एमाले–माओवादी एकता कार्यदल निर्माणमा सिमित, ओली एकसाता बैंककमै

23 पटक पढिएको

भक्तपुर । नेकपा एमाले र नेकपा माओवादी केन्द्रबीच पार्टी एकता गर्न बनेको संयोजन समितिको बैठकले राष्ट्रियसभा निर्वाचन तथा प्रदेशसभा र प्रदेश सरकार गठनका लागि छ सदस्यीय कार्यदल बनाएको छ ।

एमाले अध्यक्ष केपी शर्मा ओली निवास बालकोटमा बसेको बैठकले सो कार्यदल बनाएको एमाले नेता वामदेव गौतमले बताए ।

उनका अनुसार, कार्यदलमा एमालेबाट नेता सुवास नेम्वाङ, शंकर पोखरेल र सुरेन्द्र पाण्डे रहेका छन् भने माओवादी केन्द्रबाट नेता रामबहादुर थापा, वर्षमान पुन र मातृका यादव रहेका छन् ।

बैठकपछि संचारकर्मीलाई प्रतिकृया दिँदै नेता गौतमले राष्ट्रियसभा निर्वाचन तथा प्रदेशसभा र प्रदेश सरकार गठनका बारेमा कार्यदलले काम गर्नेछ भने । उनले राजनीतिक तथा कानूनी विषयमा तयारी गरेर कार्यदलले पार्टीलाई सुझाव दिने गरी कार्यदल बनाएको बताए ।

नेता गौतमले पार्टी एकताको विषयमा कुनै शंका नगर्न आग्रह गर्दै एकतामा कुनै विवाद र विमति नरहेकाले छिट्टै पार्टी एकतालाई टुङ्गोमा पुर्याउने निष्कर्षसमेत बैठकले निकालेको बताए ।

उनले भने, “आजको बैठकमा अत्यन्त गम्भीरताका साथ हामीले छलफल ग¥यौँ, पार्टी एकता गर्ने सम्बन्धमा कुनै विवाद, प्रश्न र विमति छैन, त्यसैले पार्टी एकता हुदैन कि भन्ने कल्पना पनि नगर्न कार्यकर्तालाई आग्रह गर्ने निर्णय भएको छ, नकारात्मक ढंगले सोच्ने आवश्यकता पनि छैन, पार्टी एकता गर्छौँ भन्ने बारे हामी गम्भीर छौँ ।”

बैठकमा पार्टीको वैचारिक, राजनीतिक र संगठनबारे गृहकार्य गर्नसमेत कार्यदल बनाउने सहमति भएको छ । पार्टी एकता सम्बन्धमा भने अर्को बैठकबाट कार्यदल निर्माण गर्ने सहमति भएको छ । यसबीचमा कार्यदल निर्माण गर्न थप गृहकार्य हुने नेता गौतमको भनाइ छ ।

बैठकले पार्टी एकताका लागि सांगठानिक र सैद्धान्तिक विषयको टुंगो लगाउन कार्यदल बनाउने भनिए पनि त्यसको तय गर्न भने सकेन । एकता संयोजन समितिको बैठकपछि नेताहरुले पार्टी एकताको विषयमा कुनै विवाद नभएको बताएका छन् ।

बैठकले निर्वाचित जनप्रतिनिधिलाई सत्ता हस्तान्तरणका लागि आवश्यक न्यूनतम संवैधानिक र कानूनी प्रक्रिया पूरा गर्ने र दैनिक कार्यसञ्चालन बाहेक अन्य निर्णय नगर्न सरकारलाई आग्रहसमेत गरेको छ ।

त्यसैगरी सरकारलाई संवैधानिक अधिकार प्रयोग गर्दै प्रदेशको अस्थायी राजधानी र प्रदेश प्रमुख तोक्न आग्रह गरेको छ ।

अध्यक्ष ओली स्वास्थ्य परीक्षण गरी फर्केलगत्तै संयोजन समितिको बैठक फेरि बसेर त्यसले पार्टी एकताका सम्बन्धमा आवश्यक निर्णय गर्ने भएको छ ।

ओली उपचारका लागि बुधबार बैंकक जाँदै छन् । उनी एक साता बैंककमा रहने बताइएको छ ।

तपाईको प्रतिक्रिया

अमेरिकामा कार दुर्घटनामा नुवाकोटका युवाको निधन

नर्थक्यारोलाइना (अमेरिका) - विगत सात वर्षदेखि अमेरिकामा बस्दै आएका एक नेपाली युवाको.. ...

एनआरएन अमेरिकाद्वारा आफ्ना सदस्यहरूलाई आर्थिक सहुलियत दिन सुरु

अमेरिका - गैर आवासीय नेपाली सङ्घ राष्ट्रिय समन्वय परिषद् अमेरिका (एनआरएन अमेरिका) ले आफ्ना.. ...

डाउनटाउनको गल्लीदेखी टेबलमा माउस चलाऊने सम्मको मेरो यात्रा

रमेश श्रेष्ठ लस एन्जलस । सपना बोकेर धकेलिएं म, अमेरिका । चिनजान र आफन्तीको कमिका कारण.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

चलचित्रमा सफलता : सुन्दरी केकीको ‘ऐश्वर्य’

काठमान्डौं । छठ पर्वको दिनबाट नेपाली हलमा प्रदर्शन आरम्भ गरेको वर्षको प्रतिक्षीत फिल्म.. ...

काठमाडौमा प्लाष्टिकको चामल छयापछयाप्ती, सानो भर्‍याङबाट एक व्यापारी पक्राउ

काठमाडौं २८ असार । तपाइ हामीले विभिन्न सामान नक्कली तथा तरकारी फलफुलमा बिषादी मिसाइएको हुन्छ.. ...

Today Exchange Rate