1

अष्ट्रेलियाको सिड्नीमा प्रेमिकाको हत्यापछि नेपालीले गरे आत्महत्या !

587 पटक पढिएको

सिड्नी – अष्ट्रेलियाको सिड्नीमा एक नेपालीले आफ्नी बेलायती प्रेमिकाको हत्यापछि आत्महत्या गरेका छन् । उनी नेपालको कुन ठाउँका हुन् भन्ने खुलेको छैन ।

३३ ववर्षीय ब्राजिल गुरुङले उनकी २२ वर्षीया प्रेमिका अमेलया ब्लेकलाई अँध्यारोमा पछ्याएर शुक्रबार हत्या गरेका हुन् ।

उनीहरुले एउटा रेस्टुरेन्टमा सँगै काम गर्थे । हत्या भएको स्थानबाट उक्त रेस्टुरेन्ट केही मिनेटको दुरीमा रहेको छ । उनीहरु दुवैले गत वर्ष सो रेस्टुरेन्ट छाडेका थिए ।

उनीहरुका पूर्व सहकर्मीले गुरुङ अनौठो चरित्रका भएका र पैसाको ठूलो संकट परेको बताएका छन् । ब्लेकलाई भने उनीहरुले ‘साह्रै असल केटी’को संज्ञा दिएका छन् ।

‘उनी आफ्ना सहकर्मीहरुसँग सँधै पैसा मागिरहेका हुन्थे, उनी कुनै असहज परिस्थितिमा छन् भन्ने हामीलाई लागेको थियो,’ एक सहकर्मीले भने ।

उनका अनुसार सिड्नीमा घुम्न आएकी ब्लेकले त्यहाँ दुई महिना बेट्रेसको काम गरेकी थिइन् भने गुरुङ सेफ थिए । उनीहरुको भेट त्यहीँ भएको थियो । ब्लेकले काम छोडेपछि गुरुङ विछिप्त बनेका थिए ।

शुक्रबार दिउँसो ब्लेक र गुरुङको मृत शरीर उनीहरु बस्ने फ्ल्याटभित्र भेटिएको थियो । प्रहरीले पनि गुरुङले नै ब्लेकको हत्या गरेको प्रारम्भिक निस्कर्ष निकालेको छ ।

एक छिमेकीले शुक्रबार बेलुकी ५ बजे आफूले सो फ्ल्याटमा भयानक चित्कार सुनेको बताए ।

ब्लेक र उनका व्वाइफ्रन्डको मृत शरीर उनीहरुका घरबेटीले देखेका थिए । उनी शुक्रबार राति आफ्नो पत्र संकलन गर्न उक्त फ्ल्याटमा आएका थिए । डेली टेलिग्राफमा जनाइएअनुसार ब्लेकको टाउको र शरीरमा चोटपटक देखिएका छन् ।

आफूलाई धोका दिएर ब्लेक आफ्नो देश फर्किन खोजेकाले गुरुङले उनको ज्यान लिएको हुन सक्ने आशंका गरिएको छ ।

न्यू साउथ वेल्सका प्रहरी निरीक्षक चाड डिगेनार्सले यो घटनालाई ‘मर्डर-सुसाइड’ का रुपमा हेरिएको तर, पोष्टमार्टम रिपोर्टपछि मात्रै यसको पुष्टि हुने बताए ।

ब्लेक आठ महिना अगाडि मात्रै अष्ट्रेलियामा आएकी थिइन् । उनको परिवार बिहिबार सिड्नी आउने समाचारमा उल्लेख गरिएको छ ।

तपाईको प्रतिक्रिया

काठमान्डौं - सुपरहिट सिरिज ‘नाईं नभन्नू ल’ बयष्क हुँदै गएको छ । लगातार चौँथो सिक्वेलसम्म हिट.. ...

 डालास - गैर आवासीय नेपाली संघ (एनआरएन) अमेरिकाले प्रवासमा रहेका नेपाली समुदायका मुद्धाहरु.. ...

टेक्सास - मिस नेपाल युएस छैठौं शृंखलाको अन्तिम दिन हिजो अर्थात् अगस्त १९ गते आइतबार डालस नजिकै.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...