1

टिपिएस नबिकरणका लागी सिनेटर वारेनलाई पहल गरिदिन अर्को अनुरोध

275 पटक पढिएको

बोष्टन – अमेरिकामा रहेका नेपालीहरुलाई अमेरिकी सरकारले प्रदान गरेको Temporary Protected Status (टिपिएस) सुविधा नबिकरणका लागी नेपाली संघ संस्थाहरुले पहल तिब्र पारेका छन् । टिपिएस समाप्त हुने मिति नजिकिदै गर्दा नबिकरणको पहल गरिदिन नेपाली संघ संस्थाहरुले सरोकारवालाहरुहरु संग अनुरोध गरिरहेका छन् ।

यसैक्रममा गैर आवासीय नेपाली संघ एनआरएन अमेरिका म्यासाचुसेट्स च्याप्टर, ग्रेटर बोष्टन नेपाली कम्युनीटी तथा एनआरएन अमेरिकाका पुर्ब अध्यक्ष प्रल्हाद के सी को पहलमा डेमोक्रेटीक पार्टीकी शशक्त सिनेटर एलिजाबेथ वारेन संग भेट गरि टिपिएस नबिकरणका लागी पहल गरिदिन अनुरोध गरिएको छ ।

भेटका क्रममा नेपाली प्रतिनिधी मण्डलले सिनेटर एलिजावेथलाई टिपिएस नबिकरणका लागी पहल गरिदिन एक अनुरोध पत्र समेत बुझाएको थियो । अनुरोध पत्र बुझ्दै सिनेटर वारेनले नेपालमा गएको महाभूकम्पको धनजनको क्षति बारेमा आफू जानकार रहेको बताइन । यसको साथै सिनेटर वारेनले अझ पनि पीडितहरुको समस्या समाधान हुन् बाकि रहेकोले अमेरिकामा रहेका तिनीहरुका परिवारलाई अमेरिकी सरकारबाट उपलब्ध भएको टिपीएसको सुविधाको म्याद थप्ने कार्यमा सक्दो सहयोग गर्ने बताएको भेटमा सहभागी गैर आवासीय नेपाली संघ अमेरिकाका उपाध्यक्ष रामकुमार सुबेदीले बताउनुभयो ।

आफुले सिनेटर वारेनलाई टिपिएस सुबिधा पछि हजारौं नेपालीहरुमा परेको सकारात्मक प्रभाव र महाभुकम्प पछिको नेपालको अवस्थावारे जानकारी गराउंदै यस्तो अवस्थामा टिपिएस नबिकरण गर्न पहल गरिदिन अनुरोध गरेको उपाध्यक्ष सुबेदीले बताउनुभयो ।

सो अवसरमा एनआरएन अमेरिकाका पुर्ब उपाध्यक्ष प्रल्हाद केसीले टिपिएस नबिकरणका लागी अनुरोध पत्र बुझाउंदै टिपिएसका बारेमा जानकारी गराउनुभएको एनआरएन अमेरिकाका प्रबक्ता बिनोद कुमार तिवारी एक बिज्ञप्ती मार्फत जानकारी दिनुभएको छ ।

सो अवसरमा एनआरएन अमेरिकाका पूर्व अध्यक्ष केसी, एनआरएनका उपाध्यक्ष सुवेदी ,एनआरएनकि संचालक समिति निर्देशक तृष्णा शर्मा काफ्ले ,एनआरएन म्यासाचुसेट्स शाखाका अध्यक्ष बिष्णु कार्की ,एनआरएनआईसीसीका भाषा साहित्य समिति सदस्य महेश्वर पन्त ,बोस्टन नेपाली कम्युनिटीका सभापति बिष्णु आचार्य तथा एनआरएन अमेरिकाका पूर्व सल्लाहकार विजय शर्मा लगायतको उपस्थिति रहेको थियो ।

नेपालमा गएको महाभुकम्प पछि अमेरिकामा रहेका नेपालीहरुलाई यहांको सरकारले टिपिएस प्रदान गरेको थियो जसको अवधी आउंदो जुन महिनामा सकिदैछ । टिपिएस नबिकरण नभए हजारौं नेपालीहरु प्रभावित हुन सक्ने भएकोले नबिकरणका लागी पहल गरिदिन नेपाली समुदायले सरोकारवालाहरुलाई अनुरोध गर्दै आएका छन् ।

तपाईको प्रतिक्रिया

न्यूयोर्क - प्रधानमन्त्री केपी शर्मा ओली अमेरिकामा आईपुगेका छन । संयुक्त राष्ट्रसंघको.. ...

-हरि भट्ट, गोरखा-२ हाल अमेरिका ।  हाम्रा ज्ञानेन्द्रियहरूले गर्ने अनुभव भन्दा सुक्ष्म रूपमा.. ...

लस एन्जलस - बलात्कारपछि हत्या गरिएकी कञ्चनपुरकी निर्मला पन्तलाई न्याय दिन नसकेको भन्दै लस.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...