1

बंगलादेशमा कार्यक्रम गरी नेपाल स्रष्टा समाजको साहित्यिक टोली स्वदेश फिर्ता

69 पटक पढिएको

काठमाडौँ – गत शुक्रबार बंगलादेशको ढाका गएको नेपाली स्रष्टाहरुको साहित्यिक टोली ४ दिने भ्रमण पूरा गरी नेपाल फर्किएको छ । ढाकामा आयोजित साहित्यिक तथा सांस्कृतिक अन्तरक्रिया कार्यक्रममा सहभागी भएर टोली सोमवार फर्किएको हो । नेपाल स्रष्टा समाजलाई बंगलादेश–नेपाल फ्रेण्डसीप सोसाइटीले सो कार्यक्रममा सहभागिताका लागि निमन्त्रणा गरेको थियो ।

बंगलादेशका उपसभामुख मो. फैजल रब्बी मियाको प्रमुख आतिथ्यता तथा बंगलादेशका लागि नेपाली राजदूत प्रा. डा. चोपलाल भुसालको विशेष आतिथ्यतामा कार्यक्रमको आयोजना गरिएको हो ।

कार्यक्रममा बंगलादेशका कविहरु मोहम्मद नुराल हुडा, हबिबुल्लाह सेराजी, प्रा. डा. दिलारा हाफिस, रविउल हुसेन, मुस्तफा मजिद, अफ्रुजा सुल्ताना तथा नेपालका साहित्यकारहरु नगेन्द्रराज शर्मा, मञ्जुुल, सुस्मिता नेपाल, प्रा. डा. कुसुमाकर न्यौपाने, पुष्पा खनाल, मोहन चापागाई, नवराज पुडासैनी तथा सरस्वती शर्मा जिज्ञासु र नेपाली दूतावासका उप–प्रमुख धनबहादुर ओलीले आ–आफ्ना रचनाहरु वाचन गर्नुभएको थियो ।
साहित्य र संस्कृतिको आदानप्रदानमार्फत् नेपाल र बंगलादेशबीच रहेको साहित्यिक, सांस्कृतिक सम्बन्धलाई अझ मजवुद बनाउन कार्यक्रमको आयोजना गरिएको हो । नेपाल र बंगलादेशका यी दुई संस्थाबीच दशक लामो साहित्यिक, सांस्कृतिक सम्बन्ध रहिआएको छ ।
कार्यक्रममा नेपाल स्रष्टा समाजका कोषाध्यक्ष, गीतकार पुष्पा खनालको म्युजिक भिडियो “यो आँखाको पानीलाई” पनि त्यहाँ सार्वजनिक गरिएको थियो ।

म्युजिक भिडियो सार्वजनिकपछि बोल्दै प्रमुख अतिथि उपसभामुख मो. फैजल रब्बी मियाले सङ्गीत भनेको विश्वव्यापी भाषा भएको बताउँदै सार्वजनिक गरिएको म्युजिक भिडियोमार्फत् व्यक्त भावनाले आफ्नो मन छोएको बताउनुभयो । उहाँले नेपाल र बंगलादेशबीचको वर्षौँदेखिको अटुटसम्बन्धको जगलाई दुई देशको साहित्य र संस्कृतिले बलियो बनाएको पनि उल्लेख गर्नुभयो ।

आफ्ना रचनाहरुलाई अन्तर्राष्ट्रियकरण गर्ने आफ्नो सपना आज पूरा भएको बताउँदै स्रष्टा पुष्पा खनालले कुनै जात, जाति, भाषा र धर्म तथा राजनीतिक, सामाजिक, सांस्कृतिक आस्थाभन्दा पर पनि एउटा सम्बन्ध हुन्छ जसलाई सङ्गीतले मात्र जोड्न सक्छ भन्नुभयो । कार्यक्रमका विशेष अतिथि राजदूत चोपलाल भुसालले आफू राजदूत भएर बंगलादेश आउँदा कुनै अनौठो अनुभूति नभएको र यो आफ्नै दोस्रो घर जस्तो लागेको बताउँदै यो सबै भनेको दुईदेशबीचको सामाजिक, सांस्कृतिक समानता कारण भएको बताउनुभयो ।

बीसौँ वर्षअघिदेखि यहाँका मानिस र संस्कृतिसँग आफू जोडिएको भन्दै वरिष्ठ कवि मञ्जुलले बंगलादेशी साहित्यकार तथा यहाँका जनताहरु धेरै सहयोगी, मित्रवत् तथा हामीको भावना बोकेर हिँड्ने खालका भएको बताउनुभयो । शरीर, अभिव्यक्ति र कविताको बेग्लै भाषा हुने बताउँदै वरिष्ठ कवि, पत्रकार नगेन्द्रराज शर्माले सार्वजनिक गरिएको म्युजिक भिडियो तथा कार्यक्रममा वाचन गरिएका कविताहरु बेग्लै भाषाका भए पनि ती कुराहरु आपसमा बुझ्न कठीन नभएको बताउनुभयो ।

यस्तै नेपाल स्रष्टा समाजका अध्यक्ष पवन आलोकले दुई देशका जनताबीचको न्यानोपनका कारण नेपाल स्रष्टा समाजको स्थापना अघिदेखि नै बंगलादेशका साहित्यिक संस्थाहरुसँग गाढा सम्बन्ध बनिसकेको बताउनुभयो । एक अर्काका विचार, भावना र अनुभवको आदानप्रदान गर्दै यो सम्बन्धलाई अझ दिगो र फलदायी बनाउन यस्ता कार्यक्रमहरुले सहयोग गरेको पनि बताउनुभयो । बंगलादेश–नेपाल फ्रेण्डसीप सोसाइटीका अध्यक्ष मो. इम्दादुल हकले कार्यक्रम सफल बनाउन हरतरहले प्रयासरत सोसाइटीका कार्यसमिति सदस्यहरु तथा अन्य सबैलाई धन्यवाद ज्ञापन गर्नुभयो ।

उक्त कार्यक्रम यसियाटिक सोसाइटीको सभाहलमा सम्पन्न भएको थियो । चारदिनको भ्रमणको क्रममा टोलीले ढाका विश्व विद्यालय, जहाँगिर विश्व विद्यालय, शहिद मिनार, बंगलादेशको संसद, राष्ट्रिय कवि काजी नजरुल इस्लामको समाधि, ढाकेश्वरी मन्दिर, केन्द्रीय शहिद स्मारकलगायतका महत्वपूर्ण स्थानहरुको अवलोकन भ्रमण गरेको थियो ।

यसैबीच बंगलादेशका लागि नेपाली राजदूतावासले साहित्यिक टोलीको सम्मानमा विशेष साहित्यिक कार्यक्रम र रात्रिभोजको आयोजना गरेको थियो । सो कार्यक्रममा पनि बंगलादेश र नेपालका वरिष्ठ कविहरुले आफ्ना रचनाहरु सुनाउनुभएको थियो ।

नेपाल स्रष्टा समाजले विगत १० वर्षदेखि नै यस खालका अन्तर्राष्ट्रिय अवसरहरूमा नेपाली साहित्यकारहरूको टोली पु¥याई साहित्यिक अन्तक्र्रिया गराउने गरेको छ । समाजमा हाल १५५ जना सदस्य देशभरि छरिएर रहेको कुरा समाजका महासचिव चेतनाथ कणेल ‘हरित’ले बताउनुभयो ।

तपाईको प्रतिक्रिया

टेक्सास र क्यालिफोर्नियामा कन्सुलेट राख्ने बिषय अध्यनमा – परराष्ट्र मन्त्री ज्ञवाली

टेक्सास - नेपालीहरुको ठुलो संख्यामा बसोबास रहेका अमेरिकाको दुई राज्य टेक्सास र.. ...

वेश्यालय, नेपाली फोहोरी राजनीति र ओली-प्रचण्ड एकता

- रामप्रसाद खनाल नेपालको ईतिहासमा केपी ओलीले प्रचण्डलाई र प्रचण्डले केपी ओलीलाई जति गाली,.. ...

रमण एफक्यान एक्सिलेन्स अवार्ड तथा महासंघको विशेष सधारण सभा

काठमान्डौं - नेपाल निर्माण व्यवसायी महासंघको रमण एफक्यान एक्सिलेन्स अवार्ड तथा विशेष सधारण.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

चलचित्रमा सफलता : सुन्दरी केकीको ‘ऐश्वर्य’

काठमान्डौं । छठ पर्वको दिनबाट नेपाली हलमा प्रदर्शन आरम्भ गरेको वर्षको प्रतिक्षीत फिल्म.. ...

काठमाडौमा प्लाष्टिकको चामल छयापछयाप्ती, सानो भर्‍याङबाट एक व्यापारी पक्राउ

काठमाडौं २८ असार । तपाइ हामीले विभिन्न सामान नक्कली तथा तरकारी फलफुलमा बिषादी मिसाइएको हुन्छ.. ...