1

पुष्पा खनालको ‘आँखाको पानी’ सार्वजनिक

333 पटक पढिएको

काठमान्डौं – गीतकार पुष्पा खनालको म्युजिक भिडियो “यो आँखाको पानीलाई” आइतबार बङ्गलादेशको ढाकामा सार्वजनिक गरिएको छ ।
बंगलादेश–नेपाल फ्रेण्डसीप सोसाइटीले यसियाटिक सोसाइटी अफ बंगलादेशको सभाहलमा आयोजना गरेको साहित्यिक तथा सांस्कृतिक अन्तरक्रिया कार्यक्रममा सो भिडियो सार्वजनिक गरिएको हो ।

म्युजिक भिडियो सार्वजनिकपछि बोल्दै कार्यक्रमका प्रमुख अतिथि बंगलादेश संसदका उपसभामुख मो. फैजल रब्बी मियाले सङ्गीत भनेको विश्वव्यापी भाषा भएको बताउँदै सार्वजनिक गरिएको म्युजिक भिडियोमार्फत् व्यक्त भावनाले आफ्नो मन छोएको बताउनुभयो । उहाँले नेपाल र बंगलादेशबीचको वर्षौँदेखिको अटुट सम्बन्धको जगलाई दुई देशको साहित्य र संस्कृतिले बलियो बनाएको पनि उल्लेख गर्नुभयो ।

आफ्ना रचनाहरुलाई अन्तर्राष्ट्रियकरण गर्ने आफ्नो सपना आज पूरा भएको बताउँदै गीतकार पुष्पा खनालले भन्नुभयो– “कुनै जात, जाति, भाषा र धर्म तथा राजनीतिक, सामाजिक, सांस्कृतिक आस्थाभन्दा पर पनि एउटा सम्बन्ध हुन्छ जसलाई सङ्गीतले मात्र जोड्न सक्छ । यो कुरा कार्यक्रममा भएको उत्साहजनक उपस्थिति र उहाँहरुको प्रतिक्रियाले सावित गरिदिएको छ ।”

कार्यक्रमका विशेष अतिथि राजदूत चोपलाल भुसालले आफू राजदूत भएर बंगलादेश आउँदा कुनै अनौठो अनुभूति नभएको बताउँदै दुई देशका स्रष्टाहरुका सिर्जनाले यी देशलाई आपसमा बाँधेकाले पनि नेपाली र बंगालीका लागि एक अर्काको देश पराइजस्तो नरहेको बताउनुभयो ।
शतकौँदेखि यहाँका मानिस र संस्कृतिसँग नेपाल जोडिएको बताउँदै वरिष्ठ कवि मञ्जुलले बंगलादेश र नेपालका स्रष्टाहरुको विचार, चाहना र संवेग एउटै भएकाले दुई देशको भाषा भिन्न भएपनि भावना एउटै भएको बताउनुभयो ।

नेपाल स्रष्टा समाजका अध्यक्ष पवन आलोकले नेपाल स्रष्टा समाज र बंगलादेश नेपाल फ्रेण्डसीप सोसाइटीबीचको सम्बन्धको चर्चा गर्दै समाजलाई आमन्त्रण गरेर भिडियो सार्वजनिक गर्न मञ्च प्रदान गरेकोमा धन्यवाद ज्ञापन गर्नुभयो ।

दिपेशराज पाण्डेको निर्देशनमा बनेको म्युजिक भिडियोमा सरोज कोइरालाको सङ्गीत र स्वर रहेको छ । सुदिप सागरको सङ्गीत संयोजन रहेको गीत “यो आँखाको पानीलाई” लाई दिनेशराज जोशीले निर्माण गरेको हुन् ।

थोरै तर राम्रो गीत लेख्ने पुष्पा खनाल पछिल्लो समय निकै चर्चामा हुनुहुन्छ । उहाँको गीत “सुने तिम्रो खुशी”ले सन् २०१७ को पहिलो सात महिनामा पिआरविटीमार्फत् सर्वाधिक रोयल्टी प्राप्त गरेको थियो । त्यस्तै गत माघमा रेकर्ड गरिएको आमामा समर्पित “मैले पुज्ने देव तिमी” शीर्षकको गीत पनि निकै चर्चामा छ । अहिलेसम्म उहाँले दुई वटा गीति एल्वम निकालिसक्नुभएको छ ।

तपाईको प्रतिक्रिया

काठमान्डौं - सुपरहिट सिरिज ‘नाईं नभन्नू ल’ बयष्क हुँदै गएको छ । लगातार चौँथो सिक्वेलसम्म हिट.. ...

 डालास - गैर आवासीय नेपाली संघ (एनआरएन) अमेरिकाले प्रवासमा रहेका नेपाली समुदायका मुद्धाहरु.. ...

टेक्सास - मिस नेपाल युएस छैठौं शृंखलाको अन्तिम दिन हिजो अर्थात् अगस्त १९ गते आइतबार डालस नजिकै.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...