1

महासंघ प्रतिनिधिमण्डल र सडक विभागका महानिर्देशकबीच भेट

67 पटक पढिएको

काठमान्डौं – नेपाल निर्माण व्यवसायी महासंघको एक प्रतिनिधिमण्डलले आइतबार सडक विभागका नवनियुक्त महानिर्देशक रविन्द्रनाथ श्रेष्ठलाई भेटी निर्माण व्यवसायीका विद्यमान समस्या र समाधानका विषयमा जानकारी गराएको छ । प्रतिनिधिमण्डलले भूकम्प तथा नाकाबन्दीका कारण प्रभावित निर्माण आयोजनाहरुको म्याद एक वर्ष थप गर्ने भनिएता पनि अहिले सम्म थप नभएको भन्दै म्याद थप हुन सके हाल देश भर संचालनमा रहेका अधिकांश निर्माण आयोजनाहरुको काम समयमा नै सम्पन्न हुने जानकारी गराएको छ । महासंघ अध्यक्ष विष्णुभाइ श्रेष्ठ नेतृत्वको प्रतिनिधिमण्डलले पछिल्लो समय निर्माण सामाग्रीमा लगातार मूल्यवृद्धि भइरहेको र त्यसपछि समेत निर्माण सामाग्रीको चरम अभाव भइरहेको तर्फ महानिर्देशक श्रेष्ठको ध्यानाकर्षण गराउँदै समस्या समाधानका लागि ठोस पहल गरिदिन आग्रह गरेको छ ।

व्यवसायीहरुको माग अनुसार सार्वजनिक खरिद ऐन संशोधन हुनुपर्ने भन्दै प्रतिनिधिमण्डलले सरकारी निकायहरुबाट आह्वान हुने जुन सुकै वोलपत्रहरुमा पनि अनिवार्य मूल्य समायोजनको व्यवस्था हुनुपर्ने माग गरेको छ । निर्माण आयोजनाहरुमा आई राजनीतिक दलका कार्यकर्ताहरु लगायत स्थानीयले चन्दा माग गर्ने गरेको र चन्दा नदिए ज्यानै मार्ने जस्तो गम्भिर धम्की दिने र निर्माण सामाग्रीहरुमा निरन्तर आगजनी गरी करोडौंको आर्थिक क्षति पु¥याउने सम्मका क्रियाकलाप भई रहेकोे तर्फ प्रतिनिधिमण्डलले महानिर्देशक श्रेष्ठको ध्यानाकर्षण गराएको छ । चन्दा आतंक बन्द गरी निर्माण आयोजनाहरुमा आवश्यक शान्ति सुरक्षाको व्यवस्थाका लागि पहल गरिदिन पनि प्रतिनिधिमण्डलले आग्रह गरेको महासंघका प्रवक्ता विष्णु बुढाथोकीले जानकारी दिनुभयो । सडक विभाग लगायत विभिन्न सार्वजनिक निकायहरु अन्तर्गतका निर्माण कार्यहरु सम्बन्धित निर्माण व्यवसायीहरुले समयमै सम्पन्न गरेता पनि निर्माण व्यवसायीहरुले विभिन्न बजेट शिर्षकहरुबाट भुक्तानी पाउनु पर्ने भण्डै ४० अरब भन्दा बढि रकम नपाएको जानकारी प्रतिनिधिमण्डलले गराएको छ ।

समयमै भुक्तानी नभएका कारण निर्माण व्यसायीहरुको घर खेत नै लिलाम भइ सडकमा आउने परिस्थिति श्रृजना भएकोले सम्पन्न भई सकेका निर्माण कार्यहरुको वजेट निकासा तथा भुक्तानीका लागि अर्थ मन्त्रालयमा पहल गरिदिन प्रतिनिधिमण्डलले आग्रह गरेको प्रवक्ता बुढाथोकीले बताउनुभयो । विना बजेट निर्माण आयोजनाहरुको बोलपत्र आह्वान, कर्मचारीहरुको अनावश्यक सरुवा, सरकारी निकायबीच देखिएको समन्वय अभाव, सडक विस्तार कार्यमा अदालतको मुद्दा, मुअब्जाको समस्या जस्ता कारणले पनि निर्माण कार्यमा ठूलो समस्या देखिएको महासंघले जनाएको छ । जवाफमा महानिर्देशक श्रेष्ठले व्यवसायीका मागप्रति आफू सकारात्मक रहेको बताउनुभयो । निर्माण क्षेत्रमा देखिएको समस्या समाधान गर्न सबै पक्ष मिलेर अघि बढ्नु पर्ने उहाँले बताउनुभयो । प्रतिनिधिमण्डलमा महासंघका वरिष्ठ उपाध्यक्ष लक्ष्मणकुमार राना, उपाध्यक्ष तेजकुमार कुरुम्बाङ, उपमहासचिवद्धय विष्णु बुढाथोकी र सूर्यप्रसाद तिमल्सिना, कोषाध्यक्ष रोशन दाहाल, कार्य समिति सदस्यहरु दीपक गौतम, हरि ढकाल, लक्ष्मी कार्की, प्रशासकीय अधिकृत नवराज भण्डारी, जनसम्पर्क अधिकृत रामचन्द्र गिरी लगायतको सहभागिता रहेको थियो ।

तपाईको प्रतिक्रिया

हे नारान ! आरन र एनआरएन !!

-गोकुल ढकाल टेनेसीमा हस्ताक्षर सहित मुद्दाका खातका 'फर्जी अभियोग' आरोप पत्र सामावेश गर्दै.. ...

एनआरएन सम्मेलनका पाहुनालाई लिमोजिन

सान-फ्रान्सिस्को -  यहि जुन १६ र १७ तरिक सानफ्रानसिन्सकोमा हुने कार्यक्रममा आउने अतिथिको.. ...

बरु मरेर जाउँला कांग्रेस छाड्दिन-चन्द्रावति पौडेल (भिडियो सहित)

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...

चलचित्रमा सफलता : सुन्दरी केकीको ‘ऐश्वर्य’

काठमान्डौं । छठ पर्वको दिनबाट नेपाली हलमा प्रदर्शन आरम्भ गरेको वर्षको प्रतिक्षीत फिल्म.. ...

काठमाडौमा प्लाष्टिकको चामल छयापछयाप्ती, सानो भर्‍याङबाट एक व्यापारी पक्राउ

काठमाडौं २८ असार । तपाइ हामीले विभिन्न सामान नक्कली तथा तरकारी फलफुलमा बिषादी मिसाइएको हुन्छ.. ...