1

नायिका सोनाली बेन्द्रेलाई क्यान्सर, न्यूयोर्कमा उपचार गर्दै

501 पटक पढिएको

मुम्बई – ९० को दशककी चर्चित बलिउड अभिनेत्री सोनाली बेन्द्रेलाई क्यान्सर भएको छ । उनी आफैंले टि्वटरमा यसको जानकारी दिएकी हुन् ।
बुधबार एक भावुक टि्वट गर्दै उनले लेखेकी छन्, ‘मलाई हाईग्रेड क्यान्सर भएको छ । एउटा अनौठो पिडाको महसुस भएपछि परिक्षण गरेर हेर्दा क्यान्सर देखियो । यतिबेला मेरो परिवार र साथीहरुले मलाई चारैतिरबाट सपोर्ट गरिरहेका छन् ।’

उनले अगाडि लेखेकी छन्, ‘म आफ्ना साथी र परिवारप्रति आभारी छु । यस्तो रोगसँग लड्नका लागि परिवारको सपोर्टभन्दा ठूलो शक्ति केही हुँदैन । अहिले डाक्टरको सल्लाहपछि म न्यूयोर्कमा उपचार गराइरहेकी छु । हामीले आशावादी हुनुपर्छ र म हरेक कदममा लड्नका लागि तयार छु । म यो लडाईंमा जितेर देखाउनेछु ।’

सोनालीले आफूलाई कुन अंगको क्यान्सर भएको हो भन्ने चाहिँ खुलाएकी छैनन् । यसअघि बलिउड अभिनेता इराफान खान गम्भीर रोगसँग लडिरहेका छन् । उनलाई मस्तिष्कको रोग छ । उनको उपचार लन्डनमा भइरहेको छ । बलिउडकी नेपाली अभिनेत्री मनिषा कोइराला क्यान्सरको सफल उपचारपछि अहिले पनि फिल्ममा सक्रिय बनेकी छन् ।

मुम्बईमा जन्मिएकी सोनाली बेन्द्रे बलिउडमा १९९४ मा फिल्म ‘आग’ बाट प्रवेश गरेकी हुन् । आमिर खानसँग उनले सरफरोश फिल्ममा अभिनय गरेकी थिइन् जसका लागि सर्वोत्कृष्ट अभिनेत्रीको थुप्रै अवार्ड उनले जितिन् । विज्ञापनमा पनि उनको ठूलो नाम छ । सन् २००२ मा फिल्म निर्देशक गोल्डी बहलसँग बिहे गरेकी उनको एउटा छोरा छन्, अनलाईनखबरमा समाचार छ ।

तपाईको प्रतिक्रिया

-लक्ष्मण सिटौला अहिले बर्षा महिनामा काठमाडौ यति दुर्गन्धित नरक भएको छ कि यहाँ गाउँको मान्छे.. ...

अमेरिका - नेपालको चिकित्सा शिक्षा र उपचार सेवामा सर्वसाधारण नेपालीको पनि सहज पहुंच होस भन्ने.. ...

अमेरिका - श्री पशुपतिनाथ तथा बुद्द मन्दिरले नर्वाल्कमा आगामी जुलाई २१ देखि २३ तारिख सम्म समर.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...