२०७८ साउन १४ गते | 29th of July 2021

पोखरामा को अगाडी ? (यस्तो छ नतिजा)

खुल्लामन्च
 प्रकाशित: २०७४ जेठ ५ गते ८:२४

प्रकाश ढकाल
पोखरा, ५ जेठ ।
पोखरा लेखनाथ महानगरपालिकामा हालसम्म एक चौंथाई मतगणना सकिएको छ । १ लाख २५ हजार ९ सय ३२ मत खसेकोमा ११ वडाको ३१ हजार ३ सय ७० मत गनिसकिएको छ । यसबाहेक १२, १३ र १४ नम्बर वडाको मतगणना पनि भैरहेको छ । मुख्य निर्वाचन अधिकृतको कार्यालयका अनुसार हालसम्म २५ प्रतिशत हाराहारीमा मतगणना भैसकेको छ । प्राप्त नतिजालाई मूल्यांकन गर्दा काँग्रेस र एमाले कसैले पनि अपेक्षाकृत नतिजा निकाल्न सकेका छैनन् । काँग्रेसका गढ भनिएका वडाहरुमा नजानिँदो हिसावले एमाले हावी भएको छ भने एमालेको पकड भएका वडाहरुमा पनि काँग्रेसको उपस्थिती राम्रो छ ।
मिश्रित नतिजाका कारण कुन पार्टीले जित्छ भन्ने अनुमान लाउन उस्तै कठिन छ । हालसम्म नेपाली काँग्रेसले ७ वडा जितेको छ भने एमालेले ४ वडा जितेको छ । गणना भएका वडामध्ये पाँचवटामा कांग्रेसले प्यानल जितेको छ भने तीन वडामा एमालेले प्यानल जितेको छ । अन्य ३ वटा वडामा मिश्रित परिणाम आएको छ । नेपाली कांग्रेसले वडा नम्बर २, ३, ४, ९ र १० नम्बर वडामा प्यानल जितेको हो भने १, ५ र ७ मा एमालेले प्यानल जितेको छ । एमालेको गढ हो ६ नम्बर वडा । यद्यपी यसपालीको स्थानीय चुनावमा वडाध्यक्ष काँग्रेसको पोल्टामा प¥यो । बाँकी सबै सदस्य एमालेले जितेको छ । काँग्रेसको पकड मानिएको ८ नम्बर वडामा वडाध्यक्ष सहित तीन सदस्य एमालेले जित्दा काँग्रेसले मुश्किलले दुई खुला सदस्य मात्रै जोगाउन सक्यो । ११ नम्बर वडामा वडाध्यक्ष सहित ४ वडा काँग्रेसले जित्दा एमालेले खुला सदस्य जितेको छ ।
११ नम्बर वडाको अन्तिम मत गणना आउँदा महानगर प्रमुख र उपप्रमुखमा हालसम्म नेकपा एमालेका उम्मेदवार अगाडी छन् । अन्तिम परिणाम आएका ११ वडामा एमाले उम्मेदवार मान बहादुर जिसीले काँग्रेस उम्मेदवार रामजी कुवँरलाई १ सय ७१ मतले पछाडी पारेका छन् । जिसीको १३ हजार ३ सय ९४ मत आउँदा कुवँरको १३ हजार २ सय २३ मत छ । उपप्रमुखमा एमाले उम्मेदवार मञ्जुदेवी गुरुङले काँग्रेस उम्मेदवार सरस्वती गुरुङलाई ६ सय ९३ मतले पछि पारेकी छिन् । मञ्जुले १२ हजार ७ सय २३ मत पाउँदा सरस्वतिले १२ हजार ३० मत पाएकी छिन् ।

वडानेपाली कांग्रेसनेकपा एमाले
रामजी कुवँरसरस्वती गुरुङमान ब जिसीमञ्जु गुरुङ
८३१८४६१०६५१०५४
८२८७५९६८०६१७
९२७८८३७५५६५०
८७२६६३५७४४८६
११६८१०२३१८२३१७८०
१६७६१११८१२५३१३४९
१०२८९३४१३७३१३५२
१६३८१५७२१८४०१८०१
१३०३११३५१०४९९६८
१०१२३८१३६८१२५९११५५
१११७१४१७२९१७२३१५११
जम्मा१३२२३१२०३०१३३९४१२७२३

Leave a Reply

Your email address will not be published. Required fields are marked *