२०७९ असार १४ गते | 28th of June 2022

छतबाट खसेर शसस्त्र प्रहरीका जवानको मृत्यु

खुल्लामन्च
 प्रकाशित: २०७४ कार्तिक १७ गते ५:४५

संखुवासभा १७ कात्तिक । शसस्त्र प्रहरीका जवान मोवाइल फोनमा कुरा गरिरहेको बेला छतबाट खसेर मृत्यु भएको छ । अरुणदल गुल्म चैनपुरमा कार्यरत खाँदबारी ४ का चन्द्रमणि काफ्लेको ज्यान गएको जिल्ला प्रहरी कार्यालय संखुवासभाले जनाएको छ।
ड्युटीमै रहेका बेला शुक्रबार बिहान ३ बजेतिर मोबाइलमा कुरा गर्दैगर्दा उनी खसेका हुन्। घटनास्थलमै उनको ज्यान गएको जिल्ला प्रहरी कार्यालयका प्रवक्ता प्रहरी निरीक्षक वेदप्रसाद गौतमले जानकारी दिए।
काफ्लेको शव पोष्टमार्टमका लागि खाँदबारी ल्याइएको प्रहरीले जनाएको छ।