२०७८ साउन १० गते | 25th of July 2021

मोदीको आह्वान ‘सार्वजनिक यातायात प्रयोग गर्नुहोस्’

खुल्लामन्च
 प्रकाशित: २०७४ पुष १० गते १६:०१

नोईदा, १० पुस । भारतका प्रधानमन्त्री नरेन्द्र मोदीले सकेसम्म सार्वजनिक यातायातका साधनको प्रयोग गर्न सोमबार आह्वान गरेका छन् । इन्धनको बचत गर्न र पेट्रोलियम पदार्थको आयात घटाउन मेट्रो रेलको यात्रालाई प्रतिष्ठाको विषय बनाउन पनि आह्वान गरेका हुन् ।

झण्डै १२ किलोमिटर विस्तार भएको दिल्ली मेट्रोको मागेन्टा लाईनको उद्घाटन समारोहमा प्रधानमन्त्री मोदीले सार्वजनिक क्षेत्रको भौतिक संरचनाका लागि सरकारले अत्यधिक धेरै खर्च गरेको बताए ।
उनले सन् २०२२ मा भारतले ७५औँ स्वतन्त्रता दिवस मनाउने बेलासम्म महत्वपूर्ण पेट्रोलियम पदार्थको आयात घटाउने उद्देश्य लिएको जानकारी दिए ।

बुहुआयामिक यातायात प्रणालीले इन्धनको प्रयोग कम गराउनुका साथै आम नागरिकको पैसा र वातावरण पनि जोगाउने प्रधानमन्त्री मोदीको भनाइ थियो । उनले सार्वजनिक यातायात भन्दा व्यक्तिगत वा निजी सवारी साधन प्रयोग गर्दा प्रतिष्ठा बढ्छ भन्ने मानसिकतामा परिवर्तन आवश्यक रहेकोमा जोड दिए ।

उनले सार्वजनिक यातायातका साधनको प्रयोगलाई तल्लो दर्जाको रुपमा नहेर्न आग्रह गरे । रासस

Leave a Reply

Your email address will not be published. Required fields are marked *