२०७८ साउन १८ गते | 2nd of August 2021

नेपाल डे परेड न्युयोर्कको प्रेस विज्ञप्ति (२०१६ र २०१७ हिसाब सहित)

खुल्लामन्च
 प्रकाशित: २०७५ वैशाख ५ गते १७:२१

न्यूयोर्क – बहुप्रचारित नेपाल डे परेडबारे तत्कालिक कार्यसमितिद्दारा जारी प्रेस वक्तब्य जारी गरेर भ्रमबारे प्रस्ट पारेको छ ।

आदरणीय पत्रकार मित्रहरू,
नमस्कार ।

नेपाल डे परेड २०१६ साल देखि न्यु योर्क सहरमा सुरुवात गरिएको नेपाली डायस्पोराको संयुक्त अभियान हो । प्रवासमा नेपाल र नेपालीको पहिचानलाई गरिमामय ढङ्गले उच्च राख्नको निम्ति यसका परिकल्पना गर्नेहरुको उद्धेश्य थियो र रहिआएको छ । तसर्थ, कुनै आग्रह अथवा पूर्वाग्रह विना सांगठानिक रूपमा विविधता भएका सबै खालका नेपाली सङ्घ-संस्थाहरूको सामूहिक अभियानको रूपमा नेपाल डे परेडलाई गत दुई वर्षदेखि निरन्तरता दिइरहेका छौ । यो गौरबशाली अभियानलाई प्रारम्भ गर्ने क्रममा फिप्नाका तत्कालीन अध्यक्ष लुईसाङ बाइबा तामाङको कन्भेनरसिपमा पहिलो नेपाल डे परेड समापन भएको हो । नेपाल डे परेड संयुक्त अभियान भएकोले सबै सङ्घ-संस्थाका प्रतिनिधि एवं समाजका स्वतन्त्र व्यक्तित्वहरू स्टेरिंग कमिटीमा रहेर एतिहासिक दुई परेडहरु सम्पन्न भएको छ । परेडको मुख्य ब्यानरमा “नेपाली अमेरिकी समुदाय” परेडको आयोजक रहेको स्पष्ट लेखिएको त्यस्ता दस्ताबेज अझै पनि जो कोहीले सङ्कलन गर्न चाहेमा प्राप्त गर्न सकिन्छ । तथापि तत्कालीन फिप्नाको अध्यक्ष/कन्भेनरको सहमतिमा अस्थायी प्रयोजनको लागि फिप्नाको नन् प्रफिट स्टाटस् परेडको निम्ति प्रयोग गरिएको थियो । तर यसको अर्थ नेपाल डे परेड फिप्नाको निजी र एकल कार्यक्रम भने थिएन । अस्थायी प्रयोजनको लागि सहमति अनुसार परेडको प्राविधिक आवश्यकता परिपुर्दी गर्नको निम्ति फिप्नाको नन् प्रफिट स्टाटस् उपयोग गरिएको थियो । परेड फिप्नाको कार्यक्रम नभएको तथ्यलाई फिप्नाका वर्तमान अध्यक्षले एउटा बैठकमा स्वीकार गर्नु भएको छ । यसको अर्थ नेपाल डे परेडमा फिप्नाको कुनै महत्त्व छैन भन्ने पनि होइन । परेड हामी सबै नेपालीहरूको साझा अभियान हो । यो नेपाली डायस्पोराको पहिचान मात्र नभएर हाम्रो सम्पदा पनि हो ।

आर्थिक प्रतिवेदन सम्बन्धमा :
केही समयदेखि नेपाल डे परेडको आर्थिक पाटोलाई लिएर एउटा समूहले नकारात्मक भ्रम सृजना गर्ने कोसिस भइरहेको छ । आयोजकले आर्थिक अनियमितता गरेको एक पक्षीय आरोप लगाइएको छ जहाँ कुनै प्रमाण नै छैन । पहिलो परेडको अडिट रिपोर्ट पहिलो परेडको स्टेरिङ कमिटीले अनुमोदन गरेको छ भने दोस्रो परेडको अडिट रिपोर्ट दोस्रो परेडको स्टेरिङ कमिटीले अनुमोदन गरिसकेको छ । यसरी अधिकारिक निकायले अनुमोदन गरिसकेको आर्थिक प्रतिवेदनलाई सामाजिक सञ्जाल मार्फत अपारदर्शिता र अनियमितताको कुतर्क गर्नु अनैतिक मात्र नभएर एक खालको अराजकता नै हो । सम्बन्धित निकायसँग सरोकारवालाले औपचारिक अनुरोध गरेको खण्डमा आर्थिक प्रतिवेदनको एक प्रति उपलब्ध गराउन परेडको स्टेरिङ कमिटीलाई कुनै आपत्ति रहन्न थियो । तथापि २०१६/२०१७ को संयुक्त स्मारिका प्रकाशन गर्ने क्रममा आर्थिक प्रतिवेदनलाई स्मारिका मार्फत सार्वजनिक गर्ने योजना रहेकोले सोचे जस्तो छिटो छरितो नभएको मात्र हो । तर यसलाई अनियमत्ताको संज्ञा दिइनु पाइन्न । पहिलो र दोस्रो परेडबाट संकलित रकमको बचत नेपाल डे परेडको खातामा सुरक्षित छ । सरोकारवाला कसैले हेर्न चाहेमा सम्बन्धित निकायसँग समन्वय गरेर कुनै पनि समय हेर्न सकिनेछ ।

नेपाल डे परेड संस्था दर्ता सम्बन्धमा:
नेपाल डे परेड डायस्पोराका नेपालीहरूको साझा अभियान हो । यो अभियानलाई कानुनी तथा व्यवहारिक सार्थकता दिनको निम्ति “नेपाल डे परेड” लाई संस्थाको रूपमा दर्ता गरिएको हो । परेडको अनुमति-पत्र र बैङ्किङ कारोबार गर्नको निम्ति साथै परेड आयोजकको बारेमा कहीँ कतै अन्योलता नछाओस् भन्ने उद्देश्यले नेपाल डे परेड संस्था दर्ता गरिएको हो । यो संस्था ५०१ (सी)३ अन्तरगत नन् प्रफिट संस्थाको रूपमा दर्ता छ जसरी डायस्पोराका धेरै संस्थाहरू दर्ता छन् ।

संस्था सञ्चालन सम्बन्धमा:
नेपाल डे परेडको बोर्ड गठन गरिने छ जहाँ डायस्पोराका विभिन्न क्षेत्रबाट स्थानीय व्यक्तित्वहरू संग्लग्न हुने छन् । विधान अनुसार गठन हुने यो बोर्डले हरेक वर्षको लागि परेडको स्टेरिङ कमिटी गठन गर्ने छ जसले परेडको आयोजना गर्ने छ । यो संस्थाले वार्षिक रूपमा एक मात्र कार्यक्रम गर्ने छ – त्यो हो “नेपाल डे परेड” ।

नेपाल डे परेड २०१८ स्टेरिङ कमिटी सम्बन्धमा:
नेपाल डे परेडको स्टेरिङ कमिटी परेड आयोजनाको लागि गठन गर्ने गरिएको छ । हाम्रो यो सामूहिक अभियानलाई सामूहिक नेतृत्व मार्फत २०१६ साल देखि सम्पन्न गर्दै आएका छौ । पहिलो परेड २०१६ को स्टेरिङ कमिटीले दोस्रो परेड २०१७ को स्टेरिङ कमिटी गठन गरेको हो भने दोस्रोले तेस्रो परेड २०१८ को स्टेरिङ कमिटी गठन गरेको छ । रविकिरण कोइराला तेस्रो नेपाल डे परेड २०१८ को कन्भेनर सर्बसहमति ढङ्गले चयन भएका हुन् ।

धन्यवाद ।

रविकिरण कोइराला
कन्भेनर, नेपाल डे परेड २०१८

मंगलदास श्रेष्ठ
कन्भेनर, नेपाल डे परेड २०१७

लुईसाङ बाइबा तामाङ
कन्भेनर, नेपाल डे परेड २०१६

नेपाल परेड डे 2016 को हिसाबको लिन्क

नेपाल परेड डे 2017 को हिसाबको लिन्क

Leave a Reply

Your email address will not be published. Required fields are marked *