लस एन्जलस – कार्यालयको कामको शिलशिलामा अमेरिकाको क्लयालिफोर्निया राज्यको लस एन्जलस शहर आएका डा. भोलाप्रसाद दाहालको निधन भएको छ । दशैंको संघारमा कामको शिलशिलामा विदेश आएका डा. दाहाल बसेको स्थानीय होटलमा निधन भएको पुष्टी भएको छ ।

सामाजिक अभियान्ता विद्यासागर योन्जनको फेसबुकबाट :
रामेछापमा जन्मेको शिक्षाविद् तथा सामाजिक अभियन्ता डा. भोलाप्रसाद दाहालको सोमबार अमेरिकाको क्यालिफोर्निया राज्यमा निधन भएको परिवारले जानकारी दिएको छ ।

परिवारिक स्रोतले दिएको जानकारीअनुसार दाहाल सर्च फर कमन ग्राउन्ड नामक अन्तर्राष्ट्रिय गैरसरकारी संस्थाको बैठकमा भाग लिन अमेरिका आएका थिए | होटेलको कोठामा दाहाल मृत भेटिएका जानकारी परिवारलाई दिईएको छ । दाहाल हाल सर्च फर कमन ग्राउन्डका नेपाल निर्देशक थिए ।

‘दाहालको मृत शरीर लस एन्जलस काउन्टी कर्नरमा राखिएको छ भने अनुसन्धान पछि मृत्युको कारण सार्वजनिक हुनेछ’ महावाणिज्यदुत ऋषी ढकालले बताउनुभएको छ । ‘अनुसन्धानको लागि ३-५ दिनसम्म लाग्नेछ ।दुतावासले सम्बन्धित पक्षसंग सरोकार राखिरहेको छ । रिपोर्ट प्राप्त नगरी अरु केही उल्लेख गर्न सकिदैन’ महावाणिज्यदुत ढकालले बताउनुभयो ।