टेक्सास – एनआरएनए अमेरिकाको आसन्न निर्वाचनका लागि जुझारु युवा राजेन्द्र जोशी (जोशी बाबु) ले बोर्ड सदस्य पदमा उम्मेदवारी दिएका छन । एक दशकदेखी क्यालिफोर्निया राज्यको सान्-फ्रान्सिस्को राज्यलाई कर्म क्षेत्र बनाएका जोशी बिभिन्न सामाजिक कार्यमा निरन्तर सकृय छन । लम्जुङगको बेशीशहरमा जन्मिएका जोशी युवा तथा बिद्यार्थीहरुको संजाल दि ह्वाइट जोन क्यालिफोर्निया नामक संस्थामा महासचिब रहेर काम गरिसकेका छन । वे-एरियाको पुरानो संस्था न्यान्स जुन वे-एरियामा बन्न लागेको कम्युनिटी सेन्टरको नेतूत्व गर्ने संस्था पनि हो र यो संस्थाको बिभिन्न कमिटीमा बसेर लामो समय काम गरेका जोशी सान्-फ्रान्सिस्कोमा सामुदायिक भवनआ लागि लगाईएको महापुराण लगाउदा होस या चाहे फन्ड कलेक्सन गर्दा होस सधै सक्रिय रहिरहने जोशी बाबु नाम अमेरिकी नेपाली समुदायमा चर्चित छ ।

सन् २०१७ मा मिस नेपाल क्यालिफोर्निया जस्तो मेघा इभेन्टको आयोजना वे-एरियाका धेरै युवा साथिहरूलाई समेटेर भव्यताका साथ सम्पन्न गर्न अग्रणी भूमिका खेलेका उनले लमजुगंका विभिन्न बिद्यालयहरुमा गरिब तथा जेहेन्दार बिद्धार्थीहरुको लागी आर्थिक सहायता गरेका छन ।

एनआरएनए अमेरिकाको बिभिन्न टास्कफोर्स र अन्य क्षेत्रमा रहेर बिगत आठ बर्षदेखी प्रत्यक्ष अप्रत्यक्ष रुपमा संलग्न रहेका जोशी बाबु आफुले एनआरएनए अमेरिकाको बोर्ड सदस्य जितेमा युवा तथा बिद्धार्थीहरुको बिषयमा डटेर काम गर्ने बताउंछन । बिभिन्न कारणले अमेरिकामा देहावासान भएका नेपालीहरुको शब नेपाल पठाउन गो-फन्ड खोल्नुपर्ने बाध्यतालाई एनआरएनए मार्फत सहयोग जुटाउने कार्यमा आफु लाग्ने जोशीले बताए ।