1

चर्चित पत्रकार नारायण श्रेष्ठ अमेरिकाको विश्वबिद्धालयद्दारा सम्मानित

1755 पटक पढिएको

बाल्टिमोर, अमेरिका । विगत केही वर्षदेखि अमेरिकामा बसोवास र अध्ययन गर्दै आएका पत्रकार नारायण श्रेष्ठलाई यहाँको एउटा विश्वविद्यालयले सम्मान गरेको छ । मेरिल्याण्डको यूनिभर्सिटी अफ बाल्टिमोरबाट भर्खरै ‘ग्लोवल अफेयर्स’ विषयमा स्नातकोत्तर सकेका श्रेष्ठ, उनले गरेको अनुसन्धानका लागि सम्मानित भएका हुन ।

सनिवार विश्वविद्यालयले सम्मान कार्यक्रम आयोजना गरेको थियो । विद्यार्थी र प्राध्यापकहरुको बाक्लो उपस्थितिमा श्रेष्ठले सम्मान ग्रहण गरेका थिए । सम्मान ग्रहण समारोहमा श्रेष्ठले आफ्नो दुई वर्ष लामो मेहनत र अध्ययन पुरस्कृत भएको बताएका थिए ।

‘मैले नेपालको हिमालमा छिट्छिटो पग्लिएको हिउँ र हिमनदी देखेको छु । दश वर्ष लामो द्वन्द पनि देखेको छु ।‘ समारोहमा श्रेष्ठले भने, ‘त्यही ठाउँको नभए पनि मैले जलवायु परिवर्तन र मानवीय द्वन्दको सम्बन्धका बारेमा खोज अनुसन्धान गर्ने मौका पाएं।‘

स्नातकोत्तर अध्ययनका क्रममा उनले संसारका विभिन्न देशमा भएका द्वन्दका घटनामा जलवायु परिवर्तनको प्रभाव कस्तो पर्छ भनेर खोज अनुशन्धान गरेका थिए । सुडानको डार्फर क्षेत्रलाई उनले ‘केस स्टडी’ का रुपमा लिएका थिए । बढ्दो तापक्रम र घट्दो वर्षा मानवीय द्वन्दका घटनाहरुसंग संबन्धित भएको त्यो अनुसन्धानमा देखिएको थियो ।
उक्त अनुशन्धानलाई उत्कृष्ठ अनुसन्धान ठहर्दै विश्वविद्यालयले उनलाई सम्मानित गरेको हो ।

विश्वाविद्यालयले यसै वर्षदेखि विद्यार्थीहरुको उत्कृष्ठ शोध अनुसन्धानलाई सम्मानित गर्ने परम्परा सुरु गरेको बताएको छ । उक्त विश्व विद्यालयमा यो अवार्ड पाउने नारायण श्रेष्ठ पहिलो विद्यार्थी हुन ।

बीबीसीको लोकप्रिय कार्यक्रम साझा सवालका पूर्व प्रस्तोता नारायण दुई बर्ष अगाडी यहाँ आएर अध्ययन र अनुसन्धानमा सक्रिय थिए |

तपाईको प्रतिक्रिया

काठमाडौँ  -  लकडाउनको   अबधिमा पनि  कर तिर्न   ताकेता  गरेको  सरकारले   ब्यापक बिरोध  पछि  आफ्नो .. ...

काठमाडौँ- सरकारले कोभिड–१९ को विश्वव्यापी सङ्क्रमणका कारणबाट उत्पन्न असहज परिस्थितिमा.. ...

काठमाडौँ -  नेपालमा कोरोना भाइरसको सङ्क्रमण पुष्टि भएपछि मृत्यु हुनेको सङ्ख्या नौ पुगेको छ ।.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...