1

भारतसँग कूटनीतिक वार्ताका माध्यमबाट भूमी फिर्ता ल्याईने : प्रम ओली , एमसीसी संसदको हातमा

36 पटक पढिएको

काठमाडौँ  – प्रधानमन्त्री  केपी शर्मा ओलीले सरकारले नेपालको नयाँ राजनीतिक नक्सा तयार गरेसँगै यसले नेपालको मानचित्रमा परिवर्तन आएको र भारतसँग कूटनीतिक वार्ताका माध्यमबाट भूमी फिर्ता गराउने बताउनुभएको छ  । सरकारले प्रस्तुत गरेको नीति तथा कायर्क्रम माथि उठेका प्रश्नहरुको जबाफ दिने क्रममा प्रतिनिधिसभाको  बैठकमा बोल्दै प्रधानमन्त्री  ओलीले लिम्पियाधुरा, लिपुलेक र कालापानी नेपाली भूमि हो भन्नुहुँदै मन्त्रिपरिषद्को बैठकले पास गरेको नेपालको नयाँ नक्सा अनुसार सरकारी छाप, निशान र पाठ्यक्रम लगायतमा परिवर्तन हुने स्पष्ट गर्नुभयो । प्रधानमन्त्री के.पी. शर्मा ओलीले कोरोना नियन्त्रण सरकारको पहिलो प्राथमिकता भएकाले सरकारको सम्पूर्ण प्रयास कोरोना भाइरसमुक्त मुलुक बनाउनु रहेकोमा जोड दिनुभएको छ ।प्रधानमन्त्री ओलीले सङ्घीय संसदको संयुक्त बैठकमा राष्ट्रपति विद्यादेवी भण्डारीले प्रस्तुत गर्नुभएको सरकारको नीति तथा कार्यक्रम माथिको छलफलका क्रममा सांसदहरुबाट प्राप्त सुझावहरुप्रति सरकारको गम्भीर ध्यानाकर्षण भएको बताउनुभयो ।

प्रधानमन्त्री ओलीले औचित्य र प्राथमिकताका आधारमा सकारात्मक सुझावहरु बजेटमा समाबेश गरिने जानकारी दिनुभयो ।आगामी आर्थिक वर्ष २०७७/०७८ का लागि सरकारको नीति तथा कार्यक्रममाथि प्रतिनिधिसभा बैठकमा भएको छलफलका क्रममा उठेका प्रश्नहरुको आज जवाफ दिनुहुँदै प्रधानमन्त्री ओलीले कोरोनाका कारण मुलुक असहज र असामान्य अवस्थामा रहेको र मुलुकको अर्थतन्त्रमा नकारात्मक प्रभाव पारेको उल्लेख गर्नुभयो ।उहाँले, कोरोनाले अर्थतन्त्रमा नकारात्मक प्रभाव पारेपनि सरकार अर्थतन्त्रलाई आत्मनिर्भर बनाउनेतर्फ अघि बढ्ने प्रष्ट पार्नुभयो ।प्रधानमन्त्री ओलीले कोरोनाबाट हतोत्साही र निराश नहुन तथा यससँग लड्दै समाजिक जनजीवन अघि बढाउन आग्रह गर्नुहुँदै कोरोनाविरुद्धको सरकारको प्रयासमा सिङ्गो राष्ट्र एक हुनुपर्नेमा जोड दिनुभयो ।

प्रधानमन्त्री ओलीले भारतबाट सङ्क्रमित भएर आउनेको सङ्ख्या ठूलो भएकाले अवस्था गम्भीर हुँदै गएको भन्नुहुँदै त्यसप्रति सजगता अपनाउनु पर्ने बताउनुभयो ।प्रधानमन्त्री ओलीले मानव जीवनका सम्पूर्ण पक्षमा ध्यान दिएर लोककल्याणकारी अवधारणा अनुसार सामाजिक न्याय र समानता सहितको उपलब्धीमा सबैको पहुँच भएको लोकतन्त्रलाई परिपूर्ण लोकतन्त्र भनेर नीति कार्यक्रममा ल्याएको उल्लेख गर्नुभयो ।उहाँले समृद्ध नेपाल र सुखी नेपालीको लक्ष्य पुरा गर्ने गरी सामाजिक न्याय र समानता सहितको शान्त, सुन्दर र सबैको अधिकार पुरा भएको समाजको परिकल्पना गरेर सरकार अगाडी बढेको बताउनुभयो ।

प्रधानमन्त्री ओलीले अहिलेको सरकार जनादेशबाट आएको आएकाले जनादेशलाई कदर गर्ने भन्दै जनताले बनाएको सरकारलाई कुनै पनि शक्ति र देशले ढाल्ने कल्पना नगर्न चेतावनी दिनुभयो ।नेपालमा कुनै पनि तानाशाहको उदय नहुने र कुनै तानाशाह फर्किएर आउन नसक्ने भन्नुहुँदै प्रधानमन्त्री ओलीले नेपाल लोकतन्त्रबाट पछाडी नहट्ने बताउनुभयो ।प्रधानमन्त्री ओलीले सरकारले भ्रष्टाचारको छानवीन गर्न थालेपछि केसहरु देखिन थालेको उल्लेख गर्नुहुँदै भ्रष्टाचारलाई नियन्त्रण गर्न प्रभावकारी कदम अगाडी बढाएको बताउनुभयो ।अमेरिकी सहयोग मिलेनियम च्यालेन्ज कर्पोरेसन सम्झौता (एमसीसी) पास गर्ने कि नगर्ने संसदको विषय भएको स्पष्ट गर्नुहुँदै प्रधानमन्त्री ओलीले यस विषयमा छलफल गर्न सकिने बताउनुभयो ।

प्रधानमन्त्री ओलीले राष्ट्रियता, लोकतन्त्र, उत्पादन बृद्धि तथा विकास निर्माणलाई जोड दिएर सरकारले काम गरिरहेको र गल्ति गरेको छु भन्नु पर्ने गरी कुनै काम नगरेको समेत बताउनुभयो ।प्रधानमन्त्री ओलीले काममा स्वस्थ प्रतिष्पर्धा गर्न सवै पक्षलाई आग्रह समेत गर्नुभयो ।

 

तपाईको प्रतिक्रिया

भारत - कोभिड-१९ का कारण ठप्प अर्थव्यवस्थालाई चलायमान बनाउन भारत सरकारले आर्थिक गतिविधि खुकुलो.. ...

काठमाडौँ  - नेपाल प्रेस युनियनको २९ औँ वार्षिकोत्सव आज जुम प्रविधिमार्फत सम्पन्न भएको छ। सो.. ...

काठमाडौं- अर्थशास्त्री डा.विश्व पौडेलले सरकारले चालु खर्चको औचित्य पुष्टी गर्न ठूलो आकारको.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...