1

९० लाख सलह किरा नेपाल प्रबेश गरेको अनुमान, दाङमा बढी असर पुर्‍याउने

66 पटक पढिएको

काठमाडौँ – भारतको उत्तराखण्डबाट सलह पुुनः नेपाल प्रवेश गर्ने जोखिम बढेको   बताईएको छ । हावाको वेग पश्चिमबाट पूर्वतर्फ चलेकाले यो सम्भावना बढेको प्लान्ट क्वारेन्टाइन तथा विषादी व्यवस्थापन केन्द्रका सूचना अधिकारी रामकृष्ण सुवेदीले बताए । यस्तै दक्षिणबाट उत्तर हावाको गति गए उत्तर प्रदेशको बिहारबाट पनि नयाँ सलह भित्र्न सक्ने जोखिम देखिएको उनले बताए । नेपालका विभिन्न जिल्ला हुँदै उत्तराखण्डतर्फ गएको सलह हावाका कारण पुनः नेपाल फर्किएर दाङको राप्ती किनारमा बसेको सुवेदीको भनाइ छ । अन्य जिल्लामा बालीलाई धेरै असर नपारे पनि दाङमा भने बढी नै असर पुर्‍याउने देखिएको छ ।

सुवेदीका अनुसार दाङमा रहेको एउटा ठूलो संख्याको सलहको झुन्ड बालीमा बसेको जानकारीमा आएको बताए । “त्यो झुन्ड ठूलो संख्यामा रहेकाले बालीलाई असर पार्ने देखिएको छ,” उनले भने । त्यसअघि सलहले मकवानपुर, रूपन्देही र चितवनका केही बालीमा असर पारेको थियो । सर्लाही, बारा, पर्सा, भैरहवा, कपिलवस्तु र दाङबाट नेपाल प्रवेश गरेको सलह पुनः भैरहवाबाट पनि प्रवेश गरेको थियो । उत्तराखण्डतर्फ गइसकेको सलह पुनः फर्किएर दाङमा आएको हो । त्यसबाहेक थप सलह नेपाल प्रवेश गरिसकेको छैन । तर, हालसम्म करिब ९० लाखको संख्यामा सलह प्रवेश गरेको अनुमान गरिएको सुवेदीले बताए । “रूपन्देहीमा एकैपटक करिब २५ लाखको संख्यामा सहल आएको थियो । त्यसअघि सानो सानो झुन्डमा आएको थियो । तर, पाँचवटा ठाउँबाट आएको कुल सलह करिब ८०–९० लाख रहेका अनुमान गरिएको छ,” उनले भने ।

 

तपाईको प्रतिक्रिया

काठमाडौं- चीनमा गत जुलाई महिनाको अन्त्यसम्ममा कूल १ लाख ४१ हजार ४०० किलोमिटर रेलसेवाको.. ...

काठमाडौ-    प्रमुख प्रतिपक्षी नेपाली कांग्रेसले बुद्धबारे भारतीय विदेश मन्त्रीले दिएको.. ...

काठमाडौं– स्वास्थ्य तथा जनसंख्या मन्त्रालयका चार जना कर्मचारीलाई कोरोना संक्रमण पुष्टि.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...