1

एसिसी यु–१६ च्याम्पियनसिपका लागि २२ खेलाडी छनोट

697 पटक पढिएको

काठमाडौँ, १४ मंसिर । थाइल्याण्डमा यही मंसिर २५ गतेदेखि शुरु हुने एसिसी १६ वर्षमुनि (यु–१६) च्याम्पियनसिप इस्टर्न रिजनलका लागि आज २२ सदस्यीय खेलाडीको घोषणा भएको छ ।

एसिसीबाट जिम्मेवारी पाउनुभएका नेपाली यु–१९ टोलीका प्रशिक्षक एवं राष्ट्रिय टोलीका पूर्वकप्तान विनोद दासको नेतृत्वमा प्रशिक्षकद्वय जंगबहादुर थापा र दीपेन्द्र चौधरीको टोलीले दोस्रो चरणमा २२ सदस्यीय खेलाडी छनोट गरेको सुशील कोइराला मेमोरियल फाउन्डेसनका सदस्य सचिव अतुल कोइरालाले जानकारी दिए ।

फाउन्डेसनको आयोजनामा भएको प्रतिभा खोजअन्तर्गत पहिलो चरणमा नेपाल क्रिकेट संघ (क्यान) का सबै नौै क्षेत्रबाट चार जनाका दरले ३६ खेलाडी छनोट गरिएको थियो ।

त्यस्तै छनोट भएका ३६ खेलाडीमा राम्रो क्षमता बोकेका अरु नौ खेलाडी थपेर ४५ जनालाई पहिलो चरणको प्रशिक्षण शिविरमा राखिएको थियो ।

यता काठमाडौँमा मंसिर ७ गतेबाट पहिलो चरणको प्रशिक्षण शिविर मूलपानी क्रिकेट मैदानमा भएको थियो । पहिलो चरणको शिविरबाट उक्त २२ सदस्यीय खेलाडी छनोट गरिएको हो ।
छनोट भएका खेलाडीलाई प्रशिक्षकले मंसिर २२ गतेसम्म कीर्तिपुर मैदानमा विशेष प्रशिक्षण गराउने कार्यक्रम रहेको छ ।

उक्त छनोट हुने खेलाडीमध्येबाट चार वैकल्पिकसहित १८ सदस्यीय खेलाडी उक्त प्रतियोगिताका लागि छानिने छन् । छनोट हुने टोली यही मंसिर २३ मा थाइल्याण्ड प्रस्थान गर्नेछ । –––

तपाईको प्रतिक्रिया

  काठमाडौं-सरकारले बिहीबार ल्याएको आगामी आर्थिक वर्ष (२०७७÷७८) को बजेट परम्परागत रहेको तथा.. ...

भारत - कोभिड-१९ का कारण ठप्प अर्थव्यवस्थालाई चलायमान बनाउन भारत सरकारले आर्थिक गतिविधि खुकुलो.. ...

काठमाडौँ  - नेपाल प्रेस युनियनको २९ औँ वार्षिकोत्सव आज जुम प्रविधिमार्फत सम्पन्न भएको छ। सो.. ...

राजधानीको चुच्चेपाटी–साँखु सडक खण्ड जीर्ण भएको वर्षौ भइसक्यो । पानी आयो भने पाइला नै सार्न.. ...

लस एन्जलस - क्यालिफोर्नियाको लस एन्जल्समा गर्मी छल्ने वाहनामा साथीहरुसंग पौडी खेल्न जांदा.. ...

पोखरा २५ बैशाख । स्वर्गीय रामजी पौडेल बादल की धर्मपत्नी चन्द्रावति पौडेलले बाचुन्जेल.. ...